އިބޫއަށް މަރުހަބާ ދައްނަވައި، ރައްޔިތުން އިބޫއަށް އެއްބާރުލުން ދިނުމަށް ޑރ. ޝަހީމް އެދިވަޑައިގަންނަވައިފި
ޝަހީމް ނިސްބަތްވާ ރަށުން ވެސް ކާމިޔާބު ހޯއްދެވީ އިބޫ
ޑރ. ޝަހީމް ރާއްޖެޓީވީގައި
އިންތިހާބީ ރައީސް އިބްރާހީމް މުހައްމަދު ސޯލިހު (އިބޫ) އަށް ވަރަށް ހޫނު މަރުހަބާއެއް ދަންނަވާ ކަމަށާއި އިބޫއަށް އެއްބާރުލުން ދެއްވުމަށް ދިވެހި ރައްޔިތުންގެ ކިބައިން ވާދަވެރި ކެންޑިޑޭޓް ރައީސް އަބްދުﷲ ޔާމީން އަބްދުލްގައްޔޫމްގެ ރަނިންގ މޭޓް ޑރ. މުހައްމަދު އަލީ ސައީދު އެދިވަޑައިގަންނަވައިފިއެވެ.
ޝަހީމް ކުރެއްވި ޓްވީޓެއްގައި ވިދާޅުވެފައި ވަނީ، އިބޫގެ ލީޑަރޝިޕްގައި ރާއްޖެއަށް ހެޔޮ ބަދަލުތަކެއް އަންނާނެ ކަމަށް ޔަގީން ކުރައްވާ ކަމަށެވެ. އަދި ގައުމު ހިންގުމުގައި އިބޫއަށް އެހީތެރިވެ، އެއްބައިވަންތަވުމަށް ލޮބުވެތި ދިވެހި ރައްޔިތުންގެ އަރިހުން އެދޭ ކަމަށެވެ.
ސަރުކާރު ހިންގާ ޕީޕީއެމްގެ ރިޔާސީ ކެންޑިޑޭޓް ރައީސް ޔާމީންގެ ރަނިންގ މޭޓްގެ ގޮތުގައި ޝަހީމް ކަނޑައެޅުނު ހިސާބުން ޝަހީމް ވަނީ ކެމްޕެއިންގެ ހަރަކާތްތައް ހިންގަވައި، ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބޫއަށާއި ހާއްސަކޮށް، އެމްޑީޕީއަށް ވަރަށް ބޮޑަށް ފާޑު ވިދާޅުވެފައެވެ.
ޝަހީމް ކެމްޕެެއިން ކުރައްވަމުން ގެންދެވިއިރު ވެސް ހުންނެވީ އިސްލާމިކް ޔުނިވާރސިޓީގެ ޗާންސެލާރގެ މަގާމުގައެވެ.
އާދިއްތަ ދުވަހު (އިއްޔެ) ބޭއްވި ރިޔާސީ އިންތިހާބު އިބޫ ކާމިޔާބު ކުރެއްވީ 58 ޕަސެންޓަށް ވުރެ މަތިން ވޯޓު ހޯއްދަވައިގެންނެވެ.
