ރިޔާސީ އިންތިޚާބު ފަސްކޮށްފާނެ ކަމުގެ ކަންބޮޑުވުން އިނގިރޭސި ސަފީރު ފާޅުކުރައްވައިފި
2 އޮކްޓޯބަރު 2018 | އަންގާރަ 12:37އިންތިޚާބު އޮންނަ ދުވަހު ހިނގައިފާނެ ކަންކަމާ މެދު ގިނަ ބައެއްގެ ކަންބޮޑުވުންތައް އެބަހުރި
އިނގިރޭސިވިލާތުން ރާއްޖެއަށް ކަނޑައަޅުއްވާފައި ހުންނަވާ ސަފީރު ޖޭމްސް ޑޯރިސް
މިހާރު ހިނގަމުންދާ ކަންކަމާ ގުޅިގެން ރިޔާސީ އިންތިޚާބު ފަސްކޮށްފާނެ ކަމުގެ ކަންބޮޑުވުން އިނގިރޭސިވިލާތުން ރާއްޖެއަށް ކަނޑައަޅުއްވާފައިވާ ސަފީރު ޖޭމްސް ޑޯރިސް ފާޅުކުރައްވައިފިއެވެ.
ޖޭމްސް ޑޯރިސް ކުރެއްވި ޓްވީޓެއްގައި ވިދާޅުވީ މިހާރު ހިނގަމުންދާ ކަންކަމާއި، އިންތިޚާބު އޮންނަ ދުވަހު ހިނގައިފާނެ ކަންކަމާ މެދު ގިނަ ބައެއްގެ ކަންބޮޑުވުންތައް އެބަހުރި ކަމަށެވެ. އަދި މާދަމާ ބާއްވާ ރިޔާސީ އިންތިޚާބު ފަސްކޮށްފި ނަމަ އެއީ ރައްޔިތުންނަށްށާއި، ޑިމަކްރަސީއަށް ދެވޭ ދެރައެއް ކަމަށް އޭނާ ވިދާޅުވިއެވެ.
ނަމަވެސް އުއްމީދު ކުރަނީ އިންތިހާބު ކުރިއަށް ދާނެ ކަމަށާއި، މިނިވަން އިންސާފުވެރި އިންތިޚާބަކަށް ވެގެންދާނެ ކަމަށް ޖޭމްސް ޑޯރިސް ވިދާޅުވިއެވެ.
އިންތިޚާބު ފަސްކޮށްފާނެކަމުގެ ކަންބޮޑުވުން ޖޭމްސް ޑޯރިސް ފާޅު ކުރެއްވިއިރު އިލެކްޝަން ކޮމިޝަންގެ ރައީސް އަހުމަދު ޝަރީފު ވިދާޅުވެފައި ވަނީ އިންތިޚާބު އޮންނާނެ ކަމަށާއި، މިނިވަން ވެސް ވާނެ ކަމަށެވެ.
