މާފުށީ ކައުންސިލްގެ ރައީސް ދޫކޮށްލައިފި
22 ސެޕްޓެމްބަރު 2018 | ހޮނިހިރު 14:54ޢުޘްމާން ދޫކޮށްލުމަށް ފުލުހުންގެ މައްޗަށް ކޯޓުން އަމުރު ކުރީ ހޮނިހިރު ދުވަހު އިރުއޮއްސޭހާއިރު
މާފުށީ ކައުންސިލްގެ ރައީސް ބަންދުގައި ބަހައްޓަން ޖެހޭ އެއްވެސް ސަބަބެއް ނެތް ކަމަށް ކޯޓުން ބުނޭ
މާފުށީ ކައުންސިލްގެ ރައީސް ޢުޘްމާން ރަޝީދު ދޫކޮށްލައިފިއެވެ.
ހޮނިހިރު ދުވަހު މެންދުރުފަހު ހިންމަފުށީ ކޯޓުގެ، ކޯޓު އަމުރަކާއެކު ކައުންސިލްގެ ރައީސް ޢުޘްމާން ހައްޔަރުކޮށްފައި ވަނީ ގުރައިދޫ ދާއިރާގެ މެމްބަރު އިބްރާހިމް ރިޟާއަށް ބިރު ދެއްކުމުގެ ތުހުމަތުގައެވެ. އަދި އުޘްމާނަކީ މުޖްތަމައަށް ހުރި ނުރައްކަލެއް ކަމަށް ބެލެވޭ ކަމަށާއި ރިޟާއަށް ނުފޫޒު ފޯރުވަން އުޅެދާނެ ކަމަށް ހިންމަފުށީ ކޯޓުގެ އަމުރުގައި ވަނީ ތުހުމަތު ކޮށްފައެވެ.
ނަމަވެސް މާފުށީ ކޯޓުން ވަނީ ޢުޘްމާން ބަންދުގައި ބަހައްޓަން ޖެހޭ އެއްވެސް ސަބަބެއް ނެތް ކަމަށާއި އެބޭފުޅާ ދޫކޮށްލުމަށް ފުލުހުންގެ މައްޗަށް ހޮނިހިރު ދުވަހުގެ އިރުއޮއްސި ހާކަންހާ އިރު އަމުރުކޮށްފައެވެ.
ޢުޘްމާން ދޫއްކޮށްލުމަށް ކޯޓުން އަމުރު ނެރެފައި ވަނީ ވޯޓުލާން 14 ވަރަކަށް ގަޑިއިރަށްވެފައި ވަނިކޮށްނެވެ.
