އައިޓީ ދާއިރާގައި އިސްކޮށް ހަރަކާތްތެރިވާ ފަރާތްތަކާ ގުޅިފައިވާސިޔާސީ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ބައްދަލުކުރައްވައިފިއެވެ.

އަންގާރަދުވަހު ކުރިއަށްދިޔަ ބައްދަލުވުމުގައި އިބޫ ވަނީ ޒަމާނީ ޓެކްނޮލޮޖީ މެދުވެރިކޮށް ރައްޔިތުންނަށް ފޯރުކޮށްދޭ ހިދުމަތްތައް ފަސޭހަކަމާއެކު ފޯރުކޮށްދޭނެ ގޮތްތަކާގުޅޭ ގޮތުން ކަންބޮޑުވުން ފާޅުކޮށްފައެވެ. މީގެ އިތުރުން އިންފޮމޭޝަން ޓެކްނޮލޮޖީގެ ދާއިރާގައި ހުރި ގޮންޖެހުންތަކާއި އެދާއިރާ ފުޅާކޮށް ކުރިއެރުވޭނެ ގޮތްތަކާ ގުޅޭ ގޮތުން ވަނީ މައުލޫމާތު އޮޅުންފިލުވާފައެވެ.

މި ބައްދަލުވުމުގައި ރާއްޖޭގައި އިންފޮމޭޝަން ޓެކްނޮލޮޖީގައި މަސައްކަތްކުރާ ގާތްގަނޑަކަށް 15 ވަރަކަށް ތަޖުރިބާ ކާރުން ބައިވެރިވެފައިވެއެވެ.

އައިޓީ ދާއިރާގައި މަސައްކަތް ކުރާ ފަރާތްތަކާ ބައްދަލުކުރައްވާފައިވާ އިރު އިބޫ އަންނަނީ އެކި ދާއިރާތަކުގައި މަސައްކަތް ކުރާ ފަރާތްތަކާ ބައްދަލުކޮށް އެދާއިރާތަކުގެ ކަންބޮޑުވުންތައް އޮޅުން ފިލުވަމުންނެވެ.