މި މަހުގެ 23 ވަނަ ދުވަހު ބާއްވާ ރިޔާސީ އިންތިހާބުގެ ނަތީޖާ ޝީޓް ވޯޓުލާ މަރުކަޒުގެ ބޭރުގައި އާންމުނުކޮށް ޓެބްލެޓަށް އެޅުވުމަށް އިލެކްޝަންސް ކޮމިޝަނުން ބުނަމުންދާ ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ ހޮނިހިރު ދުވަހުގެ ރޭ ކުރެއްވި ޓުވީޓެއްގައި ވިދާޅުވީ އިލެކްޝަންސް ކޮމިޝަނުން އޮފިޝަލުން ތަމްރީން ކުރަމުންދާއިރު ނަތީޖާ ޝީޓް ވޯޓުލާ މަރުކަޒުގެ ބޭރުގައި އާންމު ނުކޮށް ޓެބްލެޓަށް އެޅުވުމަށް އިލެކްޝަނުން ކިޔައިދޭ ކަމަށެވެ. އަދި އެކަމަކީ ބަލައިގަނެވޭނެ ކަމެއް ނޫން ކަމަށާއި އެ ނަތިޖާ ބަލައިނުގަންނާނެ ކަމަށް ވެސް ރޮޒައިނާ ވިދާޅުވިއެވެ.
ރޮޒައިނާ އިތުރަށް އެ ޓުވީޓްގައި ވިދާޅުވީ ވޯޓުން ވައްކަން ބަލައިނުގަންނާނެ ކަމަށެވެ.
EC officials ah @ElectionsMv in baavvaa training ga kiyaadhemun dhanee natheejaa sheet votulaa marukazuge beyruga ammu nukuraane kamashaai natheejaa tablet ah alhaavaahaka. Mikan balaeh nuganeveyne. Natheeja sheet aanmu kuran jeheynee. #VotunVakkan balaeh nugannaanan!#VaguOut
— ?? ??????? ???? (@Roxeyna) September 15, 2018
ރާއްޖެއެމްވީ އަށް މައުލޫމާތު ދެއްވަމުން އިލެކްޝަންސް ކޮމިޝަނުގެ މެންބަރު އަހްމަދު އަކްރަމް ވިދާޅުވީ ރިޔާސީ އިންތިހާބާއި ދިމާކޮށް ރައްޔިތުންގެ ހިތްތަކުގައި ޝައްކު އުފެއްދުމަށް މަސައްކަތް ނުކުރެއްވުމަށް ހުރިހާ ފަރާތްތަކަށް ވެސް އިލްތިމާސް ކުރައްވާ ކަމަށާއި ނަތީޖާ ޝީޓް އާންމު ނުކޮށް ޓެބްލެޓަށް އެޅުވުމަށް އިލެކްޝަނުން ބުނެފައިވާ ކަމަށް ތުހުމަތު ކުރާ ވާހަކަ އަކީ ދޮގެއް ކަމަށެވެ.
އިލެކްޝަންސް ކޮމިޝަނުން މީގެ ހަތަރު ހަފްތާ ކުރިން ބުނެފައިވަނީ އިންތިހާބުގެ ނަތީޖާ އިއުލާނު ކުރުމުގައި އަމަލުކުރާނީ މީގެ ކުރީގެ އިންތިހާބުތަކުގައިވެސް އަމަލުކޮށްފައިވާ ގޮތަށް ކަމަށެވެ.
