ކޮލަމްބޯގައި މުޒާހަރާކުރާތީވެ ދިވެހިން ސަމާލުވުމަށް އިލްތިމާސްކޮށްފި
4 ސެޕްޓެމްބަރު 2018 | އަންގާރަ 04:41ކޮޅުނބުގެ ބައެއް ހިސާބު ތަކުގައި ބޮޑެތި މުޒާހަރާ ތަކެއް ކުރުމަށް ވަނީ އިއުލާން ކޮށްފައި
ސްރީ ކަންކާގެ މަގުމަތި
ކޮލަމްބޯގެ އެކި ސަރަހައްދުތަކުގައި މުޒާހަރާކުރަން ނިންމާފައިވާތީ ސްރީ ލަންކާގައި ދިރިއުޅޭ ދިވެހިން އެކަމަށް ސަމާލުވުމަށް ލަންކާގައި ހުންނަ ދިވެހިރާއްޖޭގެ އެމްބަސީން އިލްތިމާސްކޮށްފި އެވެ.
އެމްބަސީން ނެރެފައިވާ ޚާއްސަ ދެންނެވުމެއްގައި ވަނީ ސެޕްޓެމްބަރު 5، 6 އަދި 7 ވަނަ ދުވަހު ކޮލަމްބޯގެ ބައެއް ހިސާބުތަކުގައި ބޮޑެތި މުޒާހަރާ ތަކެއް ކުރުމަށް އިއުލާން ކުރެވިފައިވާތީ އެ ދުވަސްތަކުގައި ދިވެހިން ނިކުމެ އުޅޭއިރު ޚާއްސަ ސަމާލުކަމެއް ދިނުމަށް ނަސޭހަތްތެރިވާ ކަމަށެވެ. އަދި ޒަރޫރީ ބޭނުންތަކަށް މެނުވީ މީހުން ބައިބޯވާ ތަންތަނަށް ނިދިއުމަށް ވަނީ އެދިފައެވެ.
މީގެ އިތުރުންވެސް މިދުވަސްތަކުގައި ޓްރެފިކަށް ވަރަށް ބޮޑަށް ބުރޫއެރުން އެކަށީގެންވާތީ ތަންތަނަށް ދާނަމަ ދުރާލައި ދަތުރު ފެއްޓުމަށްވެސް ވަނީ އިލްތިމާސް ކޮށްފައެވެ.
އެއްވެސް އެހީތެރިކަމެއް ބޭނުންވާ ނަމަ އެމްބަސީގެ ހޮޓްލައިން 0768096660 ނަމްބަރަށް ގުޅުމަށް ވަނީ އެދިފައެވެ.
