ގައްދޫ އިން ކޯލިޝަނާއި ގުޅުނު ފެނަކައިގެ މުއައްޒަފަކު ހދ. ހަނިމާދޫއަށް ފޮނުވާލައިފި
2 ސެޕްޓެމްބަރު 2018 | އާދީއްތަ 18:50ޝަރީފު ބުނީ، އިބޫއަށް މަރުހަބާ ކިއުމަށް ބަނދަރަށް ދިޔައީ އެ ރޯޅި އަންނާނެކަން އެނގި ހުރެކަމަށް
ގުޅިފައިވާ ސިޔާސީ ޕާޓީތަކުން ގދ. ގައްދޫގައި ބޭއްވި ޖަލްސާގެ ތެރެއިން
ގދ. ގައްދޫގައި އިދިކޮޅު ކޯލިޝަނުން ހޮނިހިރު ދުވަހުގެ ރޭ ބޭއްވި ޖަލްސާގައި ކޯލިޝަނާއި ގުޅުނު ގދ. ގައްދޫ ފެނަކަ ބްރާންޗްގައި މަސައްކަތް ކުރާ އެރަށު ރަންނާޅިގޭ މުހައްމަދު ޝަރީފު ހދ. ހަނިމާދޫގައި ހުންނަ ފެނަކައިގެ އޮފީހަށް އާދިއްތަ ދުވަހު ބަދަލުކޮށްފިއެވެ.
ރާއްޖެ.އެމްވީއަށް މައުލޫމާތު ދެމުން މުހައްމަދު ޝަރީފު ބުނީ، ގުޅިފައިވާ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިޙް (އިބޫ) އަށް މަރުހަބާ ކިއުމަށް ބަނދަރަށް ދިޔައީ އެ ރޯޅި އަންނާނެކަން އެނގި، ފޮއްޓަށް އެއްޗެހިވެސް އަޅާފައިކަމަށެވެ.
އޭނާ ބުނީ އެގޮތަށް ސަރުކާރުން ދައްކާ ބިރަށް ފަހަތަށް ޖެހި އޭނާގެ ނިންމުން ބަދަލު ނުކުރާނެކަމަށެވެ. އޭނާ ބުނީ، ސަރުކާރުން ކުރި މި ޖެއްސުން އެއްގޮތަކަށްވެސް ބަލައިނުގަންނަ ކަމަށެވެ.
"އަޅުގަނޑު އަދި ވަކިގޮތެއް ނުވެސް ނިންމަން. ނުދާނެއެކޭވެސް އަދި ދާނަމެކޭވެސް ނުބުނާނަން. އަދި ބަދަލުވުމާއިމެދު ނުވިސްނަން،" އޭނާ ބުންޏެވެ.
އޭނާ އަށް ފެނަކައިން ފޮނުވާފައިވާ ނޯޓިސްގައި އެއްވެސް ސަބަބެއް ބަޔާން ކުރުމެއް ނެތި މިމަހުގެ 6 ވަނަ ދުވަހުން ފެށިގެން ހަނިމާދޫ ފެނަކައިގެ ވަޒީފާއަށް ނުކުތުމަށް ވަނީ އަންގާފައެވެ.
