ގައްދޫ ދާއިރާގެ މެންބަރުގެ އަނބިކަނަބަލުންނަށް ޑެޕިއުޓީ މިނިސްޓަރުކަން!
މިހާރު އެޑިއުކޭޗަނަށް ތިންނައިބުން ހަމަވީ
ގައްދޫ ދާއިރާގެ މެންބަރުގެ އަނބިކަނބަލުން ޢާއިޝަތު ޙުޝާމާ
ރައްޔިތުންގެ މަޖީލީހުގެ ރައީސް ޢަބްދުﷲ މަސީހުގެ އިތުބާރު ނެތްކަމުގެ މައްސަލަ ހުށަހަޅާފައިވަނިކޮށް ގައްދޫ ދާއިރާގެ މެންބަރު އަހުމަދު ރަޝީދުގެ އަނބިކަނބަލުންނަށް އެޑިއުކޭޝަން މިނިސްޓަރުގެ ނައިބުކަން ދީފިއެވެ.
އަހުމަދު ރަޝީދުގެ އަނބިކަނަބަލުން، ދަފްތަރު ނަންބަރު ރސ 4194 ޢާއިޝަތު ޙުޝާމާއަށް އެޑިއުކޭޝަން މިނިސްޓަރުގެ ނައިބުކަން ދެއްވާފައިވަނީ ހޯމަ ދުވަހުއެވެ.
ސިޔާސީ މަޤާމްތައް ގިނަ ކަމަށާއި ސަރުކާރުގެ އިސްރާފް ބޮޑުކަމުގެ ވާހަކަ ރައްޔިތުން ދައްކަމުން ދަނިކޮށް ހުޝާމާ އެމަގާމަށް އައްޔަން ކުރެއްވުމުން އެޑިއުކޭޝަންގެ ނައިބުންގެ ގޮތުގައި ތިން ބޭފުޅުން ހަމަވީއެވެ. އެ ތިން ބޭފުޅުންގެ އިތުރުން ނައިބުންގެ ފެންވަރުގައި ސީނިއާ ޕޮލިސީ އެގްޒެކެޓިވުންގެ މަގާމުގައި އިތުރު ހަތް ބޭފުޅަކުވެސް ތިއްބަވައެވެ. ގައްދޫ ދާއިރާގެ މެންބަރު ރަޝީދަކީ ޕީޕީއެމްގެ ޕާލިމެންޓްރީ ގުރޫޕަށް ނިސްބަތްވެވަޑައިގަންނަވާ މެންބަރެކެވެ.
މިމަޤާމް މިގޮތައް ދެއްވާފައިވާއިރު މިމަހުގެ 27 އަށް އެޖެންޑާކޮށްފައިވާ ރައްޔިތުންގެ މަޖިލީހުގެ ރައީސްގެ އިތުބާރު ނެތްކަމުގެ ވޯޓުގެ ކުރިން ތަފާތު މަންޒަރުތައް ފެނިގެންދާނެކަމަށް އެކަމުގައި އިސްކޮށް އުޅުއްވާ މެންބަރުން ދަނީ ވިދާޅުވަމުންެވެ. މަސީހު މަގާމުން ވަކިކުރެވޭ މިންވަރަށް ވޯޓް ހަމަވެފައިވާ ކަމަށް ދިއްގަރު ދާއިރާގެ މެންބަރު ފާރިސް މައުމޫން ވިދާޅުވެފައިވަނިކޮށް، އޭނާ ވަނީ އޭސީސީއަށް ހާޒިރުވުމަށް އަންގައިފަ އެވެ.
