ބްރިޖުގައި ރެނދެއް ނުލާ: މުއިއްޒު
ބްރިޖްގެ މަސައްކަތަށް 200 މިލިއަން ޑޮލަރު ޚަރަދު ވޭ
ސިނަމާލެ ބްރިޖް
ސިނަމާލެ ބްރިޖްގައި ރެނދު ނުލާކަމަށް ހައުސިން މިނިސްޓަރ ޑރ. މުހައްމަދު މުއިއްޒު ވިދާޅުވެއްޖެއެވެ.
ބްރިޖުގައި ރެނދު އަޅާ ހަލާކުވެފައިވާ ކަމަށް ސޯޝަލް މީޑިއާގައި ދެކެވެމުންދާ ވާހަކަ ތަކާއި ގުޅިގެން މުއިއްޒު ކުރައްވާފައިވާ ޓްވީޓުގައި ވިދާޅުވީ ދައުރުވަމުންދާ ފޮޓޯތަކަކީ އަވައްޓެރި ގައުމެއްހެ ބްރިޖެއްގެ ކަމަށެވެ. މުއިއްޒި ވިދާޅުވީ ރައްޔިތުންގެ ހައްގުގައި ޝައްކާއި ވަހުމް އުފައްދަންކުރާ ކޮންމެ ކަމަކުން ރައްޔިތުންގެ އަޒުމް އިތުރަށް ވަރުގަދަ ވަނީ ރައީސް ޔާމީނަށް ދެވަނަ ދައުރެއް ދެއްވުމަށް ކަމަށެވެ.
ޗައިނާގެ ސީސީސީސީ ސެކަންޑް ހާބަ އިންޖިނިއަރިން ކުންފުންޏާ ހަވާލުކޮށްގެން ހަދާ މި ބްރިޖްގެ މަސައްކަތް ކުރުމަށް 1،000 އަށް ވުރެ ގިނަ މުވައްޒަފުން މަސައްކަތް ކުރާއިރު، ބްރިޖްގެ މަސައްކަތަށް 200 މިލިއަން ޑޮލަރު ޚަރަދު ވެއެވެ. އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީއެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީއެވެ. މި މަޝްރޫއަށް ދިވެހި ސަރުކާރުން 12 މިލިއަން ޑޮލަރު ހޭދަކުރެއެވެ.
