އެންދަމަން ނުކުމެ އުޅުނު މީހަކު ހާލު ބޮޑުވެގެން ލ. ގަމަށް ގެންގޮސްފި
26 އޯގަސްޓު 2018 | އާދީއްތަ 08:05ލ.ގަމު ރީޖަނަލް ހޮސްޕިޓަލަށް ގެންގޮސްފައި ވަނީ އުމުރުން 38 އަހަރުގެ ދިވެއްސެއް
ހާލު ބޮޑުވި މީހާ ލ. ގަމަށް ގެންދަނީ
ލ.އަތޮޅާއި 8 މޭލު ބޭރުގައި މަސްވެރިކަން ކުރަން އުޅުނު "ވިލުރޯދި" ދޯނީގައި ހުރި މީހަކު ހާލު ބޮޑުވެގެން އެމްއެންޑީއެފް ސެންޓްރަލް އޭރިއާ ކޯސްޓްގާޑް ސްކޮޑްރަންގެ އެހީތެރިކަމާއެކު ލ.ގަމަށް ގެންގޮސްދީފިއެވެ.
އެންއެންޑީއެފުން ބުނީ އާދިއްތަ ދުވަހު ހެނދުނު 10:45 ހާއިރު ލ.ގަމު ރީޖަނަލް ހޮސްޕޮޓަލަށް ގެންގޮސްފައި ވަނީ އުމުރުން 38 އަހަރުގެ ދިވެއްސެއް ކަމަށެވެ.
މި ހާދިސާ ހިނގާފައި ވަނީ މަސްވެރިކަމަށް ނުކުމެ އެންދަމަން އުޅުމުގެ ތެރޭގައި ފިޓު ޖެހިގެން ކަމަށް ދޯނީގެ ފަރާތުން އެމްއެންޑީއެފް ކޯސްޓްގާޑަށް ވަނީ މަޢުލޫމާތު ދީފައެވެ.
މި ހާދިސާގައި ހާލު ބޮޑުވި މީހާ، އެމްއެންޑީއެފް ސެންޓްރަލް އޭރިއާ ކޯސްޓްގާޑް ސްކޮޑްރަންގެ އެހީތެރިކަމާއެކު ލ.ގަމު ރީޖަނަލް ހޮސްޕިޓަލަށް ގެންގޮސް ވަނީ، އިތުރު ފަރުވާ ދޭން ފަށާފައި ކަމަށް އެމްއެންޑީއެފުން މައުލޫމާތު ދެއެވެ.
