މެކެއިން އަވަހާރަވުމަކީ ލިބިގެންދިޔަ ވަރަށްބޮޑު ދެރައެއް: ނަޝީދު
26 އޯގަސްޓު 2018 | އާދީއްތަ 07:31މެކެއިން އަވަހާރަވެފައިވަނީ އާދިއްތަ ދުވަހުގެ ވަގުތެއްގައި
ސެނޭޓަރ ޖޯން މެކެއިން(ކ) އަދި ކުރީގެ ރައީސް މުހައްމަދު ނަޝީދު
އެމެރިކާގެ ގާނޫނު ހަދާމަޖިލީހުގެ ތިރިގޭގެ މެމްބަރު ޖޯން މެކެއިން އަވަހާރަވުމަކީ ލިބިގެންދިޔަ ވަރަށްބޮޑު ދެރައެއް ކަމަށް ރާއްޖޭގެ ފުރަތަމަ ޑިމޮކްރެޓިކް ރައީސް މުހައްމަދު ނަޝީދު އާދީއްތަ ދުވަހު ވިދާޅުވެއްޖެއެވެ.
މެކެއިން އަވަހާރަވުމާއި ގުޅިގެން ކުރެއްވި ޓްވީޓެއްގައި ނަޝީދު ވިދާޅުވެފައިވަނީ މެކެއިންއާ އެންމެ ފުރަތަމަ ބައްދަލުވެ ވަޑައިގެންނެވިއިރު ވެސް އެ މަނިކުފާނަކީ ޖަލުގައި އެކަހެރިކޮށް ބަންދުކުރެވި ލާއިންސާނީ އަނިޔާ ލިބިވަޑައިގެން، ބޮޑެތި ގޮންޖެހުންތަކެއް ތަހައްމަލް ކުރައްވާފައިވާ ބޭފުޅެއްކަން އެނގިވަޑައިގެންނެވި ކަމަށެވެ.
"އަޅުގަނޑަށް ހައިރާންކަން ލިބުނު ކަމަކީ އެމަނިކުފާނަށް އަޅުގަނޑުމެން އެނގިވަޑައިގަތުން، އަޅުގަނޑުމެން ތަހައްމަލް ކުރި ކަންކަން" ނަޝީދު ވިދާޅުވެފައިވެއެވެ.
ނަޝީދުވަނީ މެކެއިންއަށް އިންޑިއާކަނޑާއި ބަދަލުވަމުންދާ ބައިވެރިން އެނގިވަޑައިގަންނަވާ ކަމަށް ވިދާޅުވެފައެވެ.
މެކެއިންއަށް ކެންސަރުގެ އާލާސް ކަންފުޅާ ކުރިމަތިވެ ވަޑައިގެންފައިވާ ކަމާއި ފަރުވާގެ ފުރުސަތުތައް ބަލަމުން އަންނަ ކަމަށް އެ މަނިކުފާނުގެ އޮފީހުން މިދިޔަ އަހަރުގެ ޖުލައިމަހުގެ ތެރޭ އިއުލާނުކުރުމާއެކު ވެސް ނަޝީދުވަނީ އެ މަނިކުފާނަށް އަވަސް ޝިފާއަކަށް އެދިވަޑައިގެން ޓްވީޓް ކުރައްވާފައެވެ.
ސެނޭޓަރެއްގެ ގޮތުގައި ހަ ދައުރު ހަމަކުރައްވާފައިވާ މެކެއިން ވަނީ 2008 ވަނަ އަހަރު ރިޔާސީ އިންތިޚާބުގައި ރިޕަބްލިކަން ޕާޓީން ރިޔާސީ އިންތިޚާބުގައި ވާދަކުރައްވާފައެވެ.
