ރާއްޖެ ޓީވީގެ ރިޔާސީ ބަހުސް ސެޕްޓެމްބަރު 7 ގައި!
ރައީސް ޔާމީނަށް ވަނީ ދެ ފަހަރެއްގެ މަތިން ދައުވަތު ފޮނުވާފައިވޭ
ރާޢްޖެ ޓީވީ ރިޔާސީ ބަހުސް ބޭއްވުމަށް ހަމަޖެހިފައި ވަނީ ސެޕްޓެމްބަރ 7 ގައި
ރިޔާސީ އިންތިޚާބުގައި ވާދަކުރައްވާ ކެންޑިޑޭޓުންނާއި ރަނިން މޭޓުންގެ މެދުގައި ބޭއްވުމަށް ރާއްޖެޓީވީން އިންތިޒާމުކުރާ "ރިޔާސީ ބަހުސް" ސެޕްޓެމްބަރު މަހުގެ 7 ވަނަ ދުވަހު ރޭ ބޭއްވުމަށް ނިންމައި، އެކަން ކެންޑިޑޭޓުންނަށް އެންގުމުގެ ގޮތުން ސިޓީ ފޮނުވައިފިއެވެ.
އެ ބަހުސްގައި ބައިވެރިވެ ވަޑައިގަތުމަށް އެދި ދެ ވަނަ ފަހަރަށް ރައީސް އަބްދުﷲ ޔާމީންނަށް ރާއްޖެ ޓީވީން ފޮނުވި ނަމަވެސް، މިހާތަނަށް ދައުވަތު ގަބޫލުކުރައްވާފައެއް ނުވެއެވެ. ގުޅިފައިވާ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހާއި އެ މަނިކުފާނުގެ ރަނިން މޭޓް ފައިސަލް ނަސީމް ވަނީ ދައުވަތު ގަބޫލުކުރައްވައިފައެވެ.
ސެޕްޓެމްބަރު 23 ގައި ބާއްވާ ރިޔާސީ އިންތިޚާބުގައި ވާދަ ކުރައްވާނީ ރައީސް އަބްދުﷲ ޔާމީނާއި ގުޅިފައިވާ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހް އެކަންޏެވެ.
