ތަހުނިޔާ ފޮނުވީ ދެ ބައިތުގެ ޅަމަކުން
އިބްރާހިމް މުހައްމަދު ސޯލިހު ފޮނުއްވެވި އީދު ތަހުނިޔާގެ ޅެން
ގުޅިފައިވާ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު، އަޟްހާ އީދުގެ ތަހުނީޔާ ޅެމަކުން ދިވެހިންނަށް ރައްދު ކުރައްވައިފިއެވެ.
އިބޫ އާންމު ކުރެއްވި ދެ ބައިތުގެ ޅެމުގައި ބުނެފައި ވަނީ އަޟްހާ އީދުގެ ތަހުނިޔާ އާއި ހެޔޮ ދުއާތަކާއި ޝުއޫރުތައް ހެޔޮ ނިޔަތުގައި ފޮނުވާ ކަމަށެވެ. އޭގެ އިތުރުން "ދަންނަ ބަސްތައް" އެކުލަވައިގެން، އަދި އަމުނައިގެން އީދުގެ ތަހުނިޔާ ފޮނުވާ ކަމަށް ވެސް އެމަނިކުފާނު ލިޔުއްވި ޅެމުގައި ބުނެފައިވެއެވެ.
އީދުގެ ތަހުނިޔާ އިބޫ ދިވެހިންނަށް ފޮނުއްވާފައި ވަނީ ހައްޖު ދުވަހުގެ ދަރުމަ އާއި ސަވާބު އެންމެންނަށް މިންވަރު ކުރެއްވުމަށް އެދި ދުއާ ކުރައްވައި، ހޯމަ ދުވަހު އެމަނިކުފާނު ޓްވީޓް ކުރައްވާފައިވަނިކޮށެވެ.
