އިންގްލިޝް ވިންގްލިޝްގެ އެކްޓަރ ސުޖާތާ ކުމާރު މަރުވެއްޖެ
މަރުވިކަން އަންހެން ކޮއްކޮ ވަނީ ކަށަވަރުކޮށްދީފައި
ސުޖާތާ ކުމާރު
ހިންދީ ފިލްމް "އިންގްލިޝް ވިންގްލިޝް" ގައި ސްރީދޭވީގެ ދައްތައެއްގެ ރޯލުން ފެނިގެންދިޔަ ބަތަލާ ސުޖާތާ ކުމާރު މަރުވެއްޖެއެވެ.
ސުޖާތާ މަރުވިކަން އޭނާގެ އަންހެން ކޮއްކޮ ސުޗިތްރާ ކްރިޝްނަމޫރްތީ ވަނީ ކަށަވަރުކޮށްދީފައެވެ.
އޭނާ ކޮށްފައިވާ ޓްވީޓްގައި ވަނީ ސުޖާތާ މަރުވެފައިވަނީ މިދިޔަ އާދިއްތަ ދުވަހުގެރޭ 11:26 ހާއިރު ކެންސަރު ބައްޔަށް ފަރުވާ ހޯދަމުންދަނިކޮށް ކަމަށެވެ.
މިދިޔަ ހަފްތާ ބަންދުގައިވެސް ސުޗިތްރާ ވަނީ އައިސީޔޫގައި މަރާ ހަނގުރާމަ ކުރަމުންދާ އޭނާގެ ދައްތައަށް ހެޔޮ ދުއާ ކޮށްދިނުމަށް އެދި ޓްވީޓް ކޮށްފައެވެ.
"އިންގްލިޝް ވިންގްލިޝް" ގެ އިތުރުން ސުޖާތާ ވަނީ ޓީވީ ސީރީސް ތަކުންވެސް ފެނިގެން ގޮސްފައެވެ.
އޭގެ ތެރޭގައި "ހޮޓެލް ކިންގްސްޓޮން"، ބޮމްބޭ ޓޯކިން" ގެ އިތުރުން ވެސް އަނިލް ކަޕޫރުގެ "24" ސީރީސްގައިވެސް ފެނިގެން ގޮސްފައެވެ.
