އެންގޭޖްމެންޓް ޕާޓީ އަށް ނިކް ގެ އާއިލާ އިންޑިއާއަށް!

އިނގިރޭސި ލަވަކިއުންތެރިޔާ ނިކް ޖޯނަސް އާއިލާ އާއި އެކު އެންގޭޖްމަންޓް ޕާޓީއަށް މި ހަފްތާ ބަންދުގައި އިންޑިއާއަށް އައުމަށް ހަމަޖެހިފައިވާ ކަމަށް ޚަބަރުތައް ބުނެފިއެވެ.

ނިކް ގެ އާއިލާ އިންޑިއާއަށް ދިއުމަށް ހަމަޖެހިފައި މިވަނީ އިންޑިއާގެ ސަގާފަތާއި އެއޮގޮތަށް ޕްރިޔަންކާގެ ކައިވެނީގެ ހަފްލާ ކުރިއަށް ގެންދިއުމަށްޓަކައި ކައިވެނީގެ ކުރިން ޕްރިޔަންކާގެ އާއިލާ އާއި ބައްދަލު ކުރުމަށް ކަމަށް ޚަބަރުތައް ބުނެއެވެ.

އަދި ޕްރިޔަންކާ ބޭނުންވަނީ އޭނާގެ އާއިލާގެ އުސޫލުތަކަށް އިހުތިރާމް ކުރުމަށް، އިންޑިއާގައި ކައިވެނި ކުރާ ސަގާފަތާއި އެއްގޮތަށް އިންޑިއާވަންތަ ކައިވެންޏެއް ބާއްވަން ކަމަށް އާއިލާއާއި ގާތް މީހަކާއި ހަވާލާދީ ރިޕޯޓްތައް ބުނެއެވެ.

މި ކައިވެނީގެ ހުރިހާ ތައްޔާރީތަކެއް ސިއްރުން ކުރިއަށް ގެންދާއިރު މާދަމާއިން ފެށިގެން މެހެމާނުން އަންނަން ފަށާނެ ކަމަށް ޚަބަރުތައް ބުނެއެވެ.

ޕްރިޔަންކާ އާއި ނިކް ވެސް ކައިވެނީގެ ހަފްލާ އެހާ ދިގު ދަންމަން ބޭނުން ނުވާ ކަމަށް އޭނާ ވަނީ ބުނެފައެވެ.

ޕްރިޔަންކާއާއި ޖޯނާސް ތިބީ އެންމެނާ ބައްދަލުވެ ކައިވެނިގެ އުފާ ފާޅުކުރެވޭތީ ވަރަށް އުފަލުން. ހުރިހާކަމެއްވެސް ގެންދަނީ ވަރަށް ސިއްރުން އެކަމަކު މާދަމާއިން ފެށިގެން މެހެމާނުން އަންނަށް ފަށާނެ ކަމަށް ބެލެވޭ. ހުރިހާކަމެއް ވެސް ދަނީ ވަރަށް ބާރަށް އަދި ޕްރިޔަންކާއާއި ނިކް ބޭނުމެއްނުވޭ އެންގޭޖުވެ ގިނަ ދުވަހު ތިބޭކަށް" އާއިލާ ގެ ގާތް މީހަކާ ހަވާލާދީ އީ އޮންލައިންގައި ބުނެފައި ވެއެވެ.

މި ދެމީހުން އެންގޭޖް ކުރިކަމުގެ އަޑު ފެތުރެން ފަށާފައިވަނީ "ބާރަތް" ގެ ޕްރޮޑިއުސަރ އަލީ އައްބާސް ޒަފަރު އޭނާގެ އަންނަން އޮތް ފިލްމް "ބާރަތް" ޕްރިޔަންކާ ދޫކޮށްލި ކަން ކުއްލި ގޮތަކަށް އަންގާފައިވާ ކަމަށާއި "ބާރަތް" ދޫކޮށްލީ ވަރަށް ޚާއްސަ ސަބަބަކާއި ހުރެ ކަމަށް ބުނުމުންނެވެ.

މީގެ ކުރިން ދެފަހަރެއްގެ މަތިން ޕްރިޔަންކާވަނީ އޭނާގެ އެންގޭޖްމަންޓް ރިންގް މީޑިއާ އަށް ފޮރުވަން މަސައްކަތް ކޮށްފައެވެ.

އުމުރުން 36 އަހަރުގެ ޕްރިޔަންކާއާއި ނިކް، 25ފުރަތަމަ ފަހަރަށް އެއްކޮށް ފެނިފައިވަނީ 2017 ވަނަ އަހަރު މެޓް ގާލާ އިންނެވެ.