ފަތުވެރިން ގޮވައިގެން ދަތުރުކުރި ލޯންޗެއްގައި އަލިފާން ރޯވެއްޖެ
8 އޯގަސްޓު 2018 | ބުދަ 08:25އަލިފާނުގައި ހާދިސާ ހިނގާފއިވަނީ "އޯކިޑް 40" ނަމަކަށް ކިޔާ ލޯންޗެއްގައި
އެމްއެންޑީއެފް ކޯސްޓްގާޑް
ފަތުރުވެރިން ގޮވައިގެން ކ . ހުރާ ކައިރިން ދަތުރުކުރި ލޯންޗެއްގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފުން ބުނީ އަލިފާނުގައި ހާދިސާ ހިނގާފއިވަނީ "އޯކިޑް 40" ނަމަކަށް ކިޔާ 90 ފޫޓްގެ ލޯންޗެއްގައި ކަމަށާއި އެމްއެންޑީއެފް ފަޔާރ އެންޑް ރެސްކިއު ސާރވިސް އިން ހަރަކާތްތެރިވާން ފަށާފައިވާ ކަމަށެވެ.
މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށާއި މި ހާދިސާގެ މައުލޫމާތު އެމްއެންޑީފަށް ލިބިފައިވަނީ ބުދަ ދުވަހުގެ 10:50 ހާއިރު ކަމަށް އެމްއެންޑީއެފުން މައުލޫމާތު ދެއެވެ.
ފަތުރުވެރިން ވަނީ ބަނޑޮސް އައިލެންޑް ރިސޯޓްގެ ލޯންޗެއްގައި ބަނޑޮހަށް ގެންގޮސްފައި ކަމަށާއި އަލިފާން ރޯވެފައި ވަނީ ލޯންޗުގެ އިންޖީނުގައި ކަމަށް އެމްއެންޑީއެފުން މައުލޫމާތު ދެއެވެ.
