ރައީސްގެ ދަތުރުފުޅު ނިމުމާ އެކު އަބުޅޯ އާއި އަމީތު ދޫކޮށްލައިފި
7 އޯގަސްޓު 2018 | އަންގާރަ 16:10ފުލުހުންގެ ބެލުމުގެ ދަށަށް އެ ދެބޭފުޅުން ގެންދިޔައީ އަންގާރަދުވަހުގެ މެންދުރު ފަހު
އަމީތު ފުލުހުުންގެ ބެލުމުގެ ދަށަށް ގެންދަނީ
ރައީސް އަބުދުﷲ ޔާމީން ގދ. އަތޮޅަށް ކުރެއްވި ދަތުރުފުޅާ ދިމާކޮށް އެ އަތޮޅު ގައްދޫ އިން ހައްޔަރުކުރި މަޖިލީހުގެ ދެ މެންބަރުން ކަމަށްވާ ތިނަދޫ ދެކުނު ދާއިރާގެ މެންބަރު އަބުދުﷲ އަހުމަދާއި، މަޑުއްވަރީ ދާއިރާގެ މެންބަރު މުހައްމަދު އަމީތު ދޫކޮށްލައިފިއެވެ.
ފުލުހުންގެ ބެލުމުގެ ދަށަށް އެ ދެ ބޭފުޅުން ގެންދިޔައީ އަންގާރަދުވަހުގެ މެންދުރުފަހުގެ ވަގުތެއްގައެވެ. އޭރު ރައީސް ޔާމީން ހުންނެވީ އެ އަަތޮޅަށް ވަޑައިގެންނެވެ.
އެ ދެ ބޭފުޅުން ފުލުހުންގެ ބެލުމުގެ ދަށަށް ގެންދިޔައީ ގައްދޫގައި ޑޯޓުޑޯ ހަރަކާތެއްގައި އުޅުއްވަނިކޮށެވެ. ނަމަވެސް އެ ބޭފުޅުން ފުލުހުންގެ ބެލުމުގެ ދަށަށް ގެންދިޔައީ ކޮން ސަބަބަކާ ހުރެ ކަމެއް ނޭނގެއެވެ. އެ ދެ ބޭފުޅުން ދޫކޮށްލީ ރައީސް ޔާމީން އެ ރަށުން ފުރާވަޑައިގަތުމުންނެވެ.
