އިތުބާރު ހިފޭ އިލެކްޝަންސް ކޮމިޝަނެއް އެކުލަވާލަން ރައީސް ޔާމީން އެއްބަސްވުމަށް ދަންނަވަން:ނަޝީދު
31 ޖުލައި 2018 | އަންގާރަ 13:56އެ އިލެކްޝަންސް ކޮމިޝަން ވާން ޖެހޭނީ ވާދަވެރި ޕާޓީތަކުން އެއްބަސްވެވޭ ކޮމިޝަނަކަށް
ރައީސް ނަޝީދު: އިތުބާރު ހިފޭ އިލެކްޝަންސް ކޮމިޝަނެއް އުފައްދަން ޖެހޭ
ކުރިއަށް އޮތް ރިޔާސީ އިންތިޚާބުގެ ކުރިން ސަރުކާރަށާއި ވާދަވެރި ސިޔާސީ ޕާޓީތަކަށް އެއްބަސްވެވޭ އިތުބާރު ހިފޭ އިލެކްޝަންސް ކޮމިޝަނެއް އެކުލަވާލުމަށް އެއްބަސްވެވަޑައިގަތުމަށް ރައީސް އަބްދުﷲ ޔާމިންއަށް ދަންނަވާކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އަންގާރަ ދުވަހު ހެނދުނު ރައީސް ނަޝީދު ކުރެއްވި ޓްވީޓެއްގައި ވިދާޅުވީ ރިޔާސީ އިންތިޚާބުގެ ކުރިން،، ވާދަވެރި ސިޔާސީ ޕާޓީތަކާއި ސަރުކާރު ހިންގާ ޕާޓީތަކާއެކު މަޝްވަރާކޮށް، ހުރިހާ ފަރާތަކަށް އެއްބަސްވެވޭ، އިތުބާރު ހިފޭ އިލެކްޝަންސް ކޮމިޝަނެއް އެކުލަވާލުމަށް އެއްބަސްވެވަޑައިގަތުމަށް ރައީސް ޔާމިން އަރިހުގައި ދަންނަވަން ކަމަށެވެ.
ރައީސް ނަޝީދު މި މޭރުމުން ވިދާޅުވެފައި މިވަނީ އިލެކްޝަންސް ކޮމިޝަނާމެދު އިތުބާރު ނުކުރާކަމަށް ގުޅިފައިވާ ޕާޓީތަކުން ބުނަމުންދާ ދަނޑިވަޅެއްގައެވެ. އަދި އިލެކްޝަންސް ކޮމިޝަނަނަށް ބޮޑެތި ތުހުމަތު ތަކެއްގެ އިނގިލި ދިއްކުރެވެމުންދަނިކޮށެވެ.
މީގެ އިތުރުން ރީ ރަޖިސްޓްރޭޝަން ކުރުމުގައި ސަރުކާރުގެ އޮފީސްތަކާއި ކުންފުނިތަކުގެ މުވައްޒަފުންނަށް ސަރުކާރުންނާއި ޕީޕީއެމްއިން ބިރު ދައްކަމުންދާކަމަށް ގިނަ ބަޔަކު ބުނަމުންދާ ދަނޑިވަޅެއްގައެވެ.
