މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހަނދަނީ ފައިސާ ފޮއްޗެއް ނެރެފިއެވެ.

ޖުލައި 26 ވަނަ ދުވަހު މިނިވަން ދުވަސް ފާހަގަކުރުމަށް ބޭއްވި ރަސްމިއްޔާތުގައި ފައިސާ ފޮތި ނެރެއްވައި ދެއްވީ ރައިސުލް ޖުމްހޫރިއްޔާ އަބްދުﷲ ޔާމީން އަބްދުލް ޤައްޔޫމްއެވެ.

އެމްއެމްއޭގެ ފަރާތުން ބުނީ މިނިވަން ދުވަހު މި ފައިސާ ފޮތި ނެރުނު ނަމަވެސް މި ފައިސާ ފޮތި ނެރެފައިވަނީ ޖުމްހޫރީ 50 ފާހަގަކުރުމުގެ ގޮތުން ކަމަށެވެ.

އެމްއެމްއޭ އިން ނެރެފައިވާ ފައިސާ ފޮތީގެ މޫނުމަތީ އަގަކީ 150 ރުފިޔާއެވެ. އަދި 925 ގްރާމް ރިހި މައުދަނުގައި ހުންނައިރު މި ފައިސާ ފޮތި ވަނީ ރަން ޕްލޭޓް ކުރެވިފައެވެ. ފައިސާ ފޮތީގެ ބަރުދަނުގައި 28.28 ގްރާމް ހުރިއިރު ޑައިމީޓަރުގައި ހުންނަނީ 38.61 މިލިމީޓަރެވެ.

އެމްއެމްއޭ އިން އިތުރަށް ބުނީ މި ފައިސާ ފޮތި މަރުކަޒީ ބޭންކުން ވިއްކަމުންދާނެ ކަމަށާއި ފައިސާ ފޮތި ވިއްކާނެ އަގު 29 ޖުލައިގައި އިއުލާން ކުރެވިގެންދާނެ ކަމަށެވެ.