މ އަތޮޅު ގިރިއަކަށް ކަންނެލި ދޯންޏެއް އަރައިފި
25 ޖުލައި 2018 | ބުދަ 19:10މ އަތޮޅު ރާބިދި ހުރާ ކައިރީ އޮންނަ ގިރިއަކަށް އަރާފައިވަނީ އާއިލާ ނަމަކަށް ކިޔާ ކަންނެލި އޮޑިއެއް
ކޯސްޓްގާޑް ލޯންޗެއް
ކަންނެލި އޮޑިއެއް މ. އަތޮޅު ގިރިއަކަށް އެރުމާއި ގުޅިގެން އެމްއެންޑީއެފް ކޯސްޓްގާޑުން ހަރަކާތްތެރިވާ ފަށައިފިއެވެ.
އެމްއެންޑީއެފުން ބުނީ އާއިލާ ނަމަކަށް ކިޔާ 70 ފޫޓްގެ މި ކަންނެލި އޮޑި އަރާފައިވަނީ މ. އަތޮޅު ރާބިދި ހުރާ ކައިރީ އޮންނަ ގިރިއަކަށް ކަމަށްށެވެ. އަދި އެ ހާދިސާގެ ރިޕޯޓް ލިބިފައިވަނީ ބުދާ ދުވަހުގެރޭ 19:19 އެހާއިރުކަމަށެވެ.
ގދ. އަތޮޅުން ފުރައިގެން މާލެއަށް ދަތުރު ކުރަމުން ދިޔަ މި ދޯނީގައި 12 މީހުން ތިބި ކަމަށާއި އެންމެންގެ ހާލު ރަނގަޅުކަމަށް އެމްއެންޑީއެފުން މައުލޫމާތުދެއެވެ.
އެމްއެންޑީއެފުން ބުނީ މި ހާދިސާގައި ދޯނީގެ ބަނޑު ފިލައަށް ގެއްލުން ތަކެއް ވެފައިވާކަމަށާއި ދޯނި ފުންކުރުމުގެ މަސައްކަތް ކޯސްޓްގާޑުން ކުރަމުން ގެންދާކަމަށެވެ.
