ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ދުނިޔެ - ޖަޕާން

ޖަޕާނުގައި އާދަޔާ ޚިލާފަށް ހޫނުގަދަވުން: މަރުވި މީހުންގެ އަދަދު 80 އަށް އަރައިިފި

  • ޖަޕާނުގައި އާދަޔާ ޚިލާފަށް ހޫނުގަދަވުން ވަނީ ގުދުރަތީ ކާރިސާއެއް ކަމަށް ކަނޑައަޅަފައި

އަހުމަދު އަނޫޝު
IamAhmedAnoosh

ކ. މާލެ 25 ޖުލައި 2018 | ބުދަ 21:28 1,996

ޖަޕާނުގެ މަގެއްގައި ބަޔަކު ހިނގާފައ ދަނީ - ޔާހޫ

ޖަޕާނުގައި އާދަޔާ ޚިލާފަށް ހޫނުގަދަވުމުގެ ސަބަބުން މަރުވި މީހުންގެ އަދަދު 80 އަށް އަރާފައިވާ ކަމަށް ކަމާބެހޭ އިދާރާތަކުން ބުނެފިއެވެ. 

ޖަޕާނުގެ ބައެއް ހިސާބުތަކުގައި ފިނިހޫނުމިން 40 ޑިގްރީ ސެލްސިއަސް އަށް އަރާފައިވާއިރު، އޮފިޝަލުން އިލްތިމާސް ކުރަމުން ގެންދަނީ ވީހާވެސް ބޮޑަށް ބޭރުތެރެއަށް އާންމުން ނުނިކުތުމަށެވެ. 

ޖަޕާނުގައި އާދަޔާ ޚިލާފަށް ހޫނުގަދަވުމުގެ ސަބަބުން މަރުވި މީހުންގެ އަދަދު 80 އަށް އަރާފައިވާއިރު އެ ކާރިސާއަކީ ގައުމަށް ދިމާވެފައިވާ ގުދުރަތީ ކާރިސާއެއް ކަމަށް ޖަޕާނުގެ މޫސުމާ ބެހޭ އިދާރާ އިން ވަނީ ކަނޑައަޅާފައެވެ. 

ރިޕޯޓުތައް ބުނާ ގޮތުން 22،000 މީހަކު ވަނީ ހޫނުގަދަވުމުގެ ސަބަބުން ހޮސްޕިޓަލަށް ގެންގޮސް ފަރުވާ ދީފައެވެ. އޭގެ ތެރެއިން ދެބައިކުޅަ އެއްބައި މީހުންނަކީ އުމުރުން ދުވަސްވީ މީހުންނެވެ. އަދި ޖަޕާނުގައި އާދަޔާ ޚިލާފަށް ހޫނުގަދަވުމުގެ ކާރިސާ ކުރިމަތިވެފައިވާއިރު، އެ ކާރިސާ އަށް ނިމުމެއް އަވަހަށް އަންނާނެ ކަމަށް ނުބެލެވޭ ކަމަށް ފޯކާސްޓަރުން ބުނެއެވެ. 

ޖަޕާނުގައި މިހާރު އާދަޔާ ޚިލާފަށް ހޫނުގަދަވެފައިވާއިރު، ވާރޭވެހި ފެންބޮޑުވުމާ ގުޅިގެން، 218 އަށް ވުރެ ގިނަ މީހުން މަރުވެ 12 މީހުން ގެއްލިފައިވާތާ އަދި މަހެއްހާ ދުވަސް ވެސް ނުވެއެވެ. 

ޖަޕާނުގެ ރައްޔިތުން ވީހާ ވެސް ގިނައިން ފެންބޮއެ، އެއާ ކޮންޑިޝަން ބޭނުންކޮށް، އަދި ގިނަ ވަގުތު އަރާމުކުރުމަށް އޮފިޝަލުން ދަނީ އެގައުމުގެ ރައްޔިތުންނަށް އިލްތިމާސްކުރަމުންނެވެ. 

 

އެންމެ ފަހުން އަޕްޑޭޓް ކުރީ: 1 ހަފްތާކުރިން | ރިވިއު ކުރީ: އަހްމަދު ސާއިފް ޝިޔާދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް