މިނިވަން އިންތިހާބަކަށް އޮތް އެންމެ ބޮޑު ހުރަހަކީ ޖުޑީޝަރީ ފިތުނަވުން: ޑރ. ޖަމީލް
25 ޖުލައި 2018 | ބުދަ 13:1712 މެމްބަރުންގެ ގޮނޑީގެ މައްސަލަ ގުޅިފައިވަނީ ވެރިކަމުގައި ހުދުމުތާރުކޮށް ހުންނެވި ބޭފުޅާޔާ
ޖުމްހޫރީ ޕާޓީގެ ކުރީގެ ލީޑަރު ޤާސިމް އިބްރާހިމާއި، ކުރީގެ ނައިބް ރައީސް ޑރ. މުހައްމަދު ޖަމީލް އަހުމަދު
ރައްޔިތުންގެ މަޖިލީހަށާއި، މިނިވަން އިންތިހާބަކަށް އޮތް އެންމެ ބޮޑު ހުރަހަކީ ޖުޑީޝަރީ ފިތުނަވުންކަމަށް ކުރީގެ ނައިބް ރައީސް އަދި ޖަސްޓިސް މިނިސްޓަރ ޑރ. މުހައްމަދު ޖަމީލް އަހުމަދު ވިދާޅުވެއްޖެ އެވެ.
ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ނިންމާފައިވާ 12 މެމްބަރުންގެ މައްސަލާގައި އެކެއް ފެބްރުއަރީގައި ނިންމާފައިވާ ގޮތް ބާތިލްކޮށް ގޮނޑީގެ މައްސަލަ އަލުން ބަލަން ޖެހޭނެ ކަމަށް ސުޕްރީމް ކޯޓުން ނިންމުމާއި ގުޅިގެން ޑރ. ޖަމީލް ކުރެއްވިި ޓުވީޓެއްގައި ވިދާޅުވީ 12 މެމްބަރުންގެ ގޮނޑީގެ މައްސަލަ ގުޅިފައިވަނީ ވެރިކަމުގައި ހުދުމުތާރުކޮށް ހުންނެވި ބޭފުޅާޔާކަމަށެވެ. އަދި ޝަރުއީ ހަމަޔަކުން ފަރުވާއެއް އެ ކަމަށް ލިބޭނީ ޤާނޫނު އަސާސީގެ 141 ވަނަ މާއްދާގައިވާ ފަދަ މިނިވަން ޖުޑީޝަރީއަކުން ކަމަށް ޖަމީލް ވިދާޅުވި އެވެ.
ރައީސް މައުމޫންގެ ވެރިކަމުގައި ގިނަ ދުވަސްތަކެއް ވަންދެން ޖަސްޓިސް މިނިސްޓަރުކަންވެސް ކުރެއްވި ޑރ. ޖަމީލް ވިދާޅުވީ ރައްޔިތުންގެ މަޖިލީހަށާއި، ރިޔާސީ އިންތިހާބުގެ މިނިވަންކަމަށް އޮތް އެންމެ ބޮޑު ހުރަހަކީ ޖުޑީޝަރީ ފިތުނަވުންކަމަށެވެ.
ޤާނޫނު އަސާސީގެ 141 ވަނަ މާއްދާއަކީ އަދުލު އިންސާފު ޤާއިމްކުރުމުގެ ބާރުތައް ބަޔާންކުރާ މައްދާ އެވެ. އެ މާއްދާގެ (ހ) އިން (ރ) އަށް ބަޔާންކޮށްފައިވަނީ ކޯޓްތަކަށް ލިބިގެންވާ ބާރުތަކާއި، ސުޕްރީމް ކޯޓަށް ލިބިގެންވާ ބާރުުތަކުގެ އިތުރުން ކޯޓުތަކުގެ މިނިވަންކަމާއި، ކޯޓުތަކަށް އެއްވެސް ފަރާތަކުން ނުފޫޒު ފޯރުވައިގެން ނުވާނެކަމަށެވެ.
12 މެމްބަރުންގެ ގޮނޑީގެ މައްސަލާގައި ސުޕްރީމް ކޯޓުން މިހާތަނަށްވެސް ސާފު ނިންމުމެއް ނިންމާފައިނުވާއިރު، އެ މެމްބަރުންގެ މައްސަލަތައް ސުޕްރީމް ކޯޓުގަައި އެކި ގޮތްގޮތަށް އެނބުރޭތާ އަހަރަކަށްވުރެ ގިނަ ދުވަސްވަނީވެފަ އެވެ. އަދި ސުޕްރީމް ކޯޓުން ފަނޑިޔާރުންނަށް މިހާތަނަށްވަނީ 60000 އަށްވުރެ ގިނަ ރައްޔިތުންގެ ހައްޤުތައް ހިމާޔަކޮށްދިނުމަށް ނުކުޅެދިފަ އެވެ.
