އެމްޑަބްލިއުއެސްސީގެ ސާވޭ ޓީމެއް ގޮވައިގެން ދިޔަ ޑިންގީއެއް ބަންޑުން ޖަހާލައިފި
23 ޖުލައި 2018 | ހޯމަ 14:05ޑިންގީއެއް ބަންޑުން ޖަހާލީ މިއަދު ހެނދުނު
އެމްއެންޑީއެފް އުޅަނދެއް: ބަންޑުން ޖަހާލީ ލ. އަތޮޅުގައި ދަތުރުކޮށްފައި ދިޔަ އުޅަނދެއް
ލ. އަތޮޅުގައި އެމްޑަބްލިއުއެސްސީގެ ސާވޭ ޓީމަކާ އެކު ދަތުރުކުރަމުންދިޔަ، ޑިންގީއެއް ބަންޑުން ޖަހާލާއިފިއެވެ.
އެމްއެންޑީއެފުން ބުނީ ލ. އަތޮޅު ގަސްގަނޑު ފިނޮޅާއި އެ އަތޮޅުގެ ބޮޑު ފިނޮޅާއި ދޭރެއަށް ޑިންގީއެއް ބަންޑުން ޖަހާލާފައިވާ ކަމަށެވެ. ހޯމަ ދުވަހުގެ ހެނދުނު ހިނގި އެ ހާދިސާގައި އެއްވެސް މީހަކަށް ގެއްލުމެއް ނުވެ، ހުރިހާ އެންމެން ވެސް ވަނީ ސަލާމަތްވެފައެވެ.
އެމްއެންޑީއެފުން ބުނީ ޑިންގީގައި 10 މީހުން ތިބި ކަމަށާއި އޭގެ ތެރޭގައި ހިމެނެނީ ބިދޭސީ އަންހެނަކާއި ނުވަ ދިވެހި ފިރިހެނުން ކަމަށް އެމްއެންޑީއެފްގެ މީޑިއާ އޮފިޝަލް އިބްރާހިމް އާޒިމް ވިދާޅުވިއެވެ. އަދި އޭގެ ތެރޭގައި ކުޑަކުދިން ހިމެނޭ ކަމަށް ވެސް އެމްއެންޑީއެފުން ކުރިން ބުނި ނަމަވެސް، ފަހުން ވަނީ އެކަން ދޮގުކޮށްފައެވެ.
ސިފައިންނާއި އާންމުންގެ މަސައްކަތާ އެކު ބަންޑުން ޖަހާލި ޑިންގީގައި ތިބި މީހުން ސަލާމަތްކޮށް، އެ މީހުން ލ. އަތޮޅު ފަޅުރަށެއް ކަމަށްވާ މަހަކަންފުއްޓަށް ވަނީ ގެންގޮސްފައެވެ.
