އިއްޔެ އަދީބުގެ 'އަނގަޔަށް ކޭކު ލައްވައިދިން' މީހުން މިއަދު ކޮބާ: ޑރ. އިޔާޒު
23 ޖުލައި 2018 | ހޯމަ 03:47ބްރޯ އަކަށް ވަނީ ތިމާގެ އަމިއްލަ ބޭނުން އޮތީމަތޯ
ޕީޕީއެމްގެ ޕާލިމެންޓްރީ ގްރޫޕްގެ ލީޑަރު އަހުމަދު ނިހާންގެ އަތުން އަދީބުގެ އަގަޔަށް ކޭކު ލައްވައިދެނީ
ކުރީގެ ނާއިބު ރައީސް އަހްމަދު އަދީބުގެ "އަނގަޔަށް އިއްޔެ ކޭކު ލައްވައިދިން" މީހުން މިއަދު ކޮބައިތޯ ވިދާޅުވެ، ރާއްޖޭގެ މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒު އަބްދުއްލަތީފް ސުވާލު އުފައްދަވައިފިއެވެ.
ބްރޯ އަކަށް ވަނީ ތިމާގެ އަމިއްލަ ބޭނުން އޮތީމަތޯ އާއި ބްރޯ އަކީ "ޑިސްޕޯސިބަލް ނެޕީ" އެއް ފަދަ ބޭފުޅަކީތޯ ވިދާޅުވެ އާދިއްތަ ދުވަހުގެ ރޭ ޑރ. އިޔާޒު ކުރެއްވި ޓުވީޓެއްގައި ވަނީ ސުވާލު އުފައްދަވާފައެވެ.
ޑރ. އިޔާޒު މިފަދައިން ޓުވީޓު ކުރައްވާފައިވާ އިރު މީގެ އަހަރުތަކެއް ކުރިން ޕީޕީއެމްގެ ޕާލިމެންޓްރީ ގްރޫޕްގެ ލީޑަރު އަހުމަދު ނިހާންގެ އަތުން އަދީބުގެ އަގަޔަށް ވަރަށް އުފާވެރިކަމާއެކު ކޭކު ލައްވައިދޭ ފޮޓޯއެއް ވަނީ ސޯޝަލް މީޑިއާގައި އާންމުވެފައެވެ.
އާދިއްތަ ދުވަހުގެ ހެނދުނު ކްރިމިނަލް ކޯޓްގެ ޝަރީއަތުގެ އަޑުއެހުމަށް އަދީބު ގެނެސްފައިވާ އިރު މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) މެދުވެރިކޮށް ހިންގާފައިވާ ކޮރަޕްޝަނާއި ގުޅޭ މަޢުލޫމާތު ހާމަ ނުކުރުމަށް އިންޒާރުތައް ލިބިފައި ވަނިކޮށް، އަދީބު އެ ވާހަކަތައް ކްރިމިނަލް ކޯޓުގައި ހާމަކުރެއްވުމުން، އެމަނިކުފާނުގެ ފުރާނަފުޅަށް ނުރައްކާ އޮތްކަމަށް ވިދާޅުވެ އަދީބަށް އެކަށީގެންވާ ސެކިއުރިޓީ ހަމަޖައްސައި ދިނުމަށް އެމަނިކުފާނުގެ އަނބިކަނބަލުން މަރިޔަމް ނަޝްވާ ވަނީ ފުލުހުންގެ ގާތުން އެދިފައެވެ.
މިހާރު ވެސް ޖުމުލަ 33 އަހަރުގެ ޖަލު ހުކުމް ތަންފީޒުކުރަމުންދާ އަދީބު އާދީއްތަ ދުވަހު ކޯޓުގައި ވިދާޅުވީ 2014 އަދި 2015 ވަނަ އަހަރު އޭނާ ބަންދުކުރަން ދެން ގައުމު ހިންގެވީ އޭނާ ކަމަށާއި ރައީސް އަބްދުﷲ ޔާމީން އުޅުއްވީ އެމްއެމްޕީއާރުސީން ލިބުނު ޑޮލަރުތައް މާރުކުރެއްވުމާއި ގުނުއްވުމުގައި ކަމަށެވެ.
ރައީސް ޔާމީންގެ އަމިއްލަ ގެކޮޅަށް ހަލާލު ނޫން ފައިސާ ވަދެފައިވާ ކަމަށް އެއްބަސްވެ ވަޑައިގެންފައިވާ އިރު، އަދީބު އިއްޔެ ކޯޓުގައި ވިދާޅުވި ގޮތުގައި ރައީސް ޔާމީން ފައިސާ ގުނުއްވީ ދޫވެހީގެ ކޮޓަރިއެއްގައި ބިދޭސީއަކާއެކުގައި ކަމަށެވެ.
އަދީބުގެ މައްޗަށް ކޮރަޕްޝަންގެ ތުހްމަތުތައް ކުރެވި ޝަރީއަތް ހިންގަމުންދާއިރު، ރައީސް ޔާމީންގެ މައްޗަށް ތުހްމަތުކުރެވޭ މައްސަލަތައް ނުބަލަ އެވެ.
