އަލަށް ގެނެވުނު ބަދަލާއެކު ރިސޯޓުތަކުގައި ބަހައްޓަނީ 35 ވޯޓު ފޮށި
19 ޖުލައި 2018 | ބުރާސްފަތި 15:29ކުރިން ހަތް ރިސޯޓުގައި ވޯޓު ފޮށި ބެހެއްޓުމަށް އިއުލާނު ކުރި
ބާ ޖަމާލުއްދީންގައި ރީރަޖިސްޓްރޭޝަން ކުރިއަށްދަނީ
ރިސޯޓުތަކުގައި ބަހައްޓަނީ 35 ވޯޓު ފޮށި ކަމަށް އިލެކްޝަންސް ކޮމިޝަނުން ހާމަކޮށްފިއެވެ.
އިލެކްޝަންސް ކޮމިޝަނުން ކޮށްފައިވާ އިއުލާނުގައި ރިސޯޓުތަކުގައި ވޯޓުފޮށި ބެހެއްޓުމަށް ރަށްވެހިވެފައިވާ ތަން ނޫން އެހެން ތަނެއްގައި ވޯޓުލުމަށް ރީ-ރަޖިސްޓަރީ ކުރަންޖެހޭ އަދަދަކީ މަދުވެގެން 100 ކަމަށް ކޮމިޝަނުން ނިންމުމާ ގުޅިގެން، ކުރިން އިއުލާނު ކުރި ހަތް ރިސޯޓުގެ އިތުރަށް 28 ރިސޯޓެއްގައި ވޯޓު ފޮށި ބެހެއްޓޭނެ ކަމަށެވެ.
މީގެ ކުރިން ރިސޯޓުތަކުގައި ވޯޓު ފޮށި ބެހެއްޓުމުގައި ބަލާފައިވާ މިންގަޑަކީ ރިސޯޓުތަކުގެ ތެރެއިން ވޯޓު ފޮށި ބަހައްޓާނީ އެ މީހަކު ރަށްވެހި ވެފައިވާ ރަށް ނޫން ރަށެއްގައި ވޯޓުލުމަށްޓަކައި ރަޖިސްޓްރީވުމަށް އިލެކްޝަންސް ކޮމިޝަނުން ހުޅުވާލާ މުއްދަތުގައި މަދުވެގެން 250 މީހުން ރަޖިސްޓަރީވެފައިވާ ރިސޯޓްތަކުގައި ކަމުގައެވެ.
ސެޕްޓެމްބަރު 23 ވަނަ ދުވަހު ބާއްވާ ރިޔާސީ އިންތިހާބުގައި ވޯޓު ފޮށި ބެހެއްޓުމަށް ހަމަޖައްސާފައިވާ ރިސޯޓުތަކުގެ ތެރެއިން އެ ރިސޯޓްތަކުގައި ވޯޓު ފޮށި ބަހައްޓާނީ ރަށްވެހިވެފައިވާ ތަންނޫން އެހެން ތަނެއްގައި ވޯޓުލުމަށް ރީ-ރަޖިސްޓަރީ ކުރުމަށް އިލެކްޝަންސް ކޮމިޝަނުން ހުޅުވާލާ މުއްދަތުގެ ތެރޭގައި ކަނޑައެޅިފައިވާ ރިސޯޓެއްގައި ވޯޓުލުމަށް މަދުވެގެން 100 މީހުން ރަޖިސްޓަރީވެފައިވާ ކަމުގައިވާނަމަ ކަމަށް އެކޮމިޝަނުން ބުނެއެވެ.
ރީރަޖިސްޓްރޭޝަނަށް ހުޅުވާލާފައިވަނީ މިމަހު 17 އިން އޮގަސްޓް 11 ވަނަ ދުވަހުގެ ނިޔަލަށެވެ.
ރިޔާސީ އިންތިހާބު 2018 ގައި ވޯޓު ފޮށި ބެހެއްޓުމަށް ހަމަޖެހިފައިވާ ރިސޯޓްތަކަކީ
- ޖޭއޭ މަނަފަރު
- ކުރުނބާ މޯލްޑިވްސް
- ލަކްސް ސައުތު އަރިއެޓޯލް، މޯލްޑިވްސް
- ޝެރެޓަން މޯލްޑިވްސް، ފުލްމޫން ރިސޯޓް އެންޑް ސްޕާ
- ގިރިލަންކަން ފުރި
- ހޮލިޑޭއިން ރިސޯޓް ކަނޑޫމާ މޯލްޑިވްސް
- ހުވަފެންފުށި ރިސޯޓް އެންޑް ސްޕާ
- އަދާރަން ސިލެކްޓް
- އަނަންތާރާ ކިހާވައް ވިލާސް
- ވައްކަރު މޯލްޑިވްސް
- ވެލައްސަރު މޯލްޑިވްސް
- އަމިއްލަ ފުށި އެންޑް ކޯސްޓްލައިން ރެސޑެންސް
- ކޮކޯ ބޮޑު ހިތި
- ކުޑަފުށި ރިސޯޓް އެންޑް ސްޕާ
- އެޓްމޯސްފިއަރ ކަނިފުށި މޯލްޑިވްސް
- ބަރޮސް މޯލްޑިވްސް
- ޗެވަލް ބްލޭންކް ރަންދެލި
- ކްލަބް މެޑް ކަނި ފިނޮޅު
- ކޮކޫން މޯލްޑިވްސް
- ކޮންސްޓެންސް ހަމަވެލި
- އަމާރި ހަވޮއްޑާ މޯލްޑިވްސް
- ގްރޭންޑް ޕާކު ކޮދިއްޕަރު މޯލްޑިވްސް
- ހޮލިޑޭ އައިލެންޑް ރިސޯޓް އެންޑް ސްޕާ
- ކަނުހުރާ
- މިލައިދޫ އައިލެންޑް މޯލްޑިވްސް
- އޯޒޯން ބައި އެޓްމޯސްފިއަރ އެޓް މާދޫ
- ރޯޔަލް އައިލެންޑް ރިސޯޓް އެންޑް ސްޕާ
- ނިޔަމަ މޯލްޑީވްސް
- ކުރަމަތި އައިލެންޑް ރިސޯޓް
- ކޮންރަޑް މޯލްޑިވްސް ރަންގަލި
- ސަން އައިލެންޑް ރިސޯޓް
- ބަނޑޮސް މޯލްޑިވްސ
- ޕެރެޑައިސް އައިލެންޑް ރިސޯޓު އެންޑް ސްޕާ
- ކުރެއްދޫ އައިލެންޑް ރިސޯޓ
- ދަ ސަން ޝިޔާމް އިރުފުށި މޯލްޑިވްސ
