އަދާލަތު ޕާޓީގެ އޮފީސް ހުންނަތަން ނޭނގޭކަމަށް ބުނެ އެކަމުގެ ޝަކުވާ އެ ކޮމިޝަނަށް ލިބިފައިވާކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަނުގެ ރަސްމީ ޓްވިޓަރ އެކައުންޓުން އަންގާރަ ދުވަހު ކޮށްފައިވާ ޓްވީޓެއްގައި ބުނެފައިވަނީ، އަދާލަތު ޕާޓީގެ އޮފީސް ބަންދުކޮށްފައި ހުންނަކަމުގެ ޝަކުވާ އެ ކޮމިޝަނަަށް ލިބެމުންދާކަމަށާއި، އެ ޕާޓީ ހުންނަތަނާއި، ހުޅުވިފައި ހުންނަ ގަޑިތަށް އެ ކޮމިޝަނަށް އަންގައިދިނުމަށް އެދޭކަމަށެވެ. އަދި އެކަން އާއްމުކޮށް އެނގޭނެހެން އިއުލާނުކުރުމަށްވެސް ކޮމިޝަނުން ވަނީ އެޕާޓީއަށް އިލްތިމާސްކޮށްފައެވެ.
Adhalat partyge office bandhu kohfai hunna kamuge shakuvaathah mi commission ah libemun dhaathee e party hunna thanaai hulhuvifai hunna vaguthuthah commissionah angai ekan aanmukoh iulaan kurumah e party ah ilthimaas koffi
— Elections Commission (@ElectionsMv) July 17, 2018
އިލެކްޝަންސް ކޮމިޝަންގެ މި ޓްވީޓާއި ގުޅޭގޮތުން ރާއްޖެއެމްވީއަށް މައުލޫމާތު ދެއްވަމުން އަދާލަތު ޕާޓީގެ މީޑިއާ ކޮމެޓީގެ ޗެއަރ އަލީ ނަޒީރު ވިދާޅުވީ، އެ ޕާޓީގެ އޮފީސް ހުންނަ އެޑްރެސް އިލެކްޝަންސް ކޮމިޝަންގައި ހުރި އެޕާޓީއާއި ގުޅޭ ލިޔެކިޔުންތަކުގައި ހުންނާނެކަމަށާއި، އެ ޕާޓީގެ ވެބްސައިޓުންވެސް އެ މައުލޫމާތު ލިބެން ހުުންނާނެކަމަށެވެ. އަދި އެކަން އާއްމުކޮށް އިއުލާނުވެސް ކޮށްފައިވާނެކަމަށް އޭނާ ވިދާޅުިވިއެވެ. އެ ޕާޓީގެ އޮފީސް ނުހުޅުވާ ހުންނަކަމަށް ބުނެވުނު ވާހަކައާއި ގުޅޭގޮތުން ނަޒީރު ވިދާޅުވީ، އެޕާޓީގެ އޮފީސް ރަސްމީ ގަޑީގައި ހުޅުވާފައި ހުންނާނެކަމަށެވެ. އަދި މުހިއްމު ކަމެއް ދިމާވެގެން މެނުވީ ބަންދުކޮށްފައިވެސް ނުހުންނާނެކަމަށެވެ. އޭނާ ވިދާޅުވީ، ކޮމިޝަނުން އެ ބުނެފައިވާ ކަންކަމަށް ޕާޓީގެ އިސްބޭފުޅުންނާއި މަޝްވަރާކޮށް އިތުރަށް އަންގަން ޖެހޭކަމެއްވާނަމަ އެކަންވެސް ކުރައްވާނެކަމަށެވެ.
