ޔޭހޭ މޮހައްބަތޭން ގެ އިޝިތާ އާއި ފިރިމީހާ ރާއްޖޭގައި
ރާއްޖެ އައިސްފައިވަނީ އެމީހުންގެ ދެވަނަ ވެޑިން އެނިވާސަރީ ފާހަގަ ކުރަން
ދިވްޔަންކާ އާއި ފިރިމީހާ ވިވެކް
ސްޓާޕްލަސްއިން ދައްކާ މަޝްހޫރު ޓީވީ ސީރިއަލް އެއްކަމަށްވާ " ޔޭހޭ މޮހައްބަތޭން" ގެ ބަލަތާ ދިވްޔާންކާ ޓްރިޕަތީ (އިޝީތާ ބައްލާ) އާއި އޭނާގެ ފިރިމީހާ " ގަޔާމަތް ކީ ރާތް" ގެ ބަތަލު ވިވެކް ދަހިޔާ ރާއްޖެ އަތުވެއްޖެ އެވެ.
މި ދެމަފިރިން ހޮނިހިރު ދުވަހު ރާއްޖެ އައިސްފައިވަނީ އެމީހުންގެ ދެވަނަ ވެޑިން އެނިވާސަރީ ފާހަގަ ކުރުމަށެވެ.
އެދެތަރިން ދަނީ އެމީހުން ރާއްޖޭގެ ރިސޯޓެއްގައި ނަގާފައިވާ ރީތި ފޮޓޯ ތަކާއި ވީޑިއޯތައް އިންސްޓަގްރާމްގައ ޝެއަރ ކުރަމުންެނެވެ.
ޓީވީ ޝޯތަކުގައި އަވަދިނެތި މަސައްކަތް ކުރަމުންދާ މި ދެތަރިން ކުޑަދުވަސްކޮޅަކަށް ރާއްޖެ އައިސްފައި މިވަނީ އެމީހުންގެ ދެވަނަ އެނިވާސަރީ ކުލަގަދަކޮށް ފާހަގަ ކުރުމަށް ކަމަށް ވިވެކް ވަނީ ބުނެފައެވެ.
ދިވްޔަންދާ އާއި ވިވެކް ގެ ފުތަރަމަ ވެޑިން އެނިވާސަރީ ފާހަގަ ކުރަން ގޮސްފައިވަނީ ޔޫރަޕަށެވެ.
8 ޖުލައި 2016 ގައި މިޖޯޑު ކައިވެނި ކޮށްފައިވާއިރު އެންމެ ފުރަތަމަ މިދެމީހުން ދިމާވެފައި ވަނީ "ޔޭހޭ މޮހައްބަތޭން" ގެ ސެޓުންނެވެ.
މި ދެމަފިރިން ވަނީ ސްޓާޕްލަސް އިން ގެނެސްދޭ ސިލްސިލާ ކަޕުލް ޑާންސް ކޮމްޕެޓިޝަން "ނަޗްބަލިޔޭ" ސީޒަން 8 ކާމިޔާބު ކޮށްފައެވެ.
