މިސް އިންޑިއާ 2018 އަށް އަނުކްރީތީ!
20 ޖޫން 2018 | ބުދަ 05:39މާދުރީ ޑިކްސިޓް، ޖެކުލީން ފެނާންޑޭޒް އަދި ކަރީނާ ކަޕޫރު ވަނީ ޕާފޯމްކޮށްފައި
މިސް އިންޑިއާ 2018 ތާޖު ހަވާލު ކުރަނީ | ގޫގުލް
އެފް ބީބީ ކަލާސް ފެމިނާ މިސް އިންޑިއާ 2018 އަށް ޓެމިލް ނާޑޫގެ އަނުކްރީތީ ވާސް ހޮވިއްޖެއެވެ.
އަނުކްރީތީއަށް މިސް އިންޑިއާގެ ތާޖު ހަވާލުކޮށްދީފައި ވަނީ މިސް ވޯލްޑް 2017 މަނޫޝީ ޗިއްލަރެވެ.
މިސް އިންޑިއާ 2018 ފަސްޓް ރަނާއަޕްއަކަށް މީނާކްޝީ ޗައުދަރީ ހޮވުނު އިރު ސެކަންޑް ރަނަރަޕްއަކަށް ހޮވިފައި ވަނީ ޝްރެއާ ރާއޯކަމަވަރަޕޫއެވެ.
މުސްބާއީގެ ޑޯމް އެންއެސްސީއައި ސްޓޭޑިއަމްގައި އަންގާރަ ދުވަހުގެ ރޭ ކުރިއަށް ދިޔަ މި އިވެންޓްގައި ވަނީ އިންޑިއާގެ މަޝްހޫރު ފިލްމީތަރިން ޕާރފޯމް ކޮށްފައެވެ.
ޕާރފޯމް ކުރި ތަރިންގެ ތެރޭގައި މާދުރީ ޑިކްސިޓް، ޖެކުލީން ފެނާންޑޭޒް އަދި ކަރީނާ ކަޕޫރު ހިމެނެއެވެ.
މީގެ އިތުރުން މިސްވޯލްޑް 2017 މަނޫޝީ ޗިއްލަރު ވެސް ވަނީ ޕާރފޯމް ކޮށްފައެވެ.
މި މުބާރާތް ހުށަހޅައިދީފައި ވަނީ މަޝްހޫރު ފިލްމް ޑައިރެކްޓަރ ކަރަން ޖޯހަރާއި އެކްޓަރ އަޔުޝްމަން ކުރާނާއެވެ.
ސެލެބްރީންގެ ތެރެއިން ޖަޖުންގެ ޕެނަލްގައި ހިމެނެނީ ކްރިކެޓް ކުޅުންތެރިޔާ އިރްފާން ޕަޓާން، ކޭއެލް ރާހުލް، އަދި ފެޝަން ޑިޒައިނާ ގައުރަވް ގުޕްތާ އަދި ބޮލީވުޑް އެކްޓްރެސް މަލައިކާ އަރޯރާ، ބޮބީޑިއޯލް، ކުނާލް ކަޕޫރުގެ އިތުރުން ފަޔޭ ޑިސޫޒާގެ އަދި މަނޫޝީ ޗިއްލަރު ހިމެނެއެވެ.
