ސެލެބްރިޓީ ޗެފް އަދި ޓީވީ ޕްރެޒެންޓަރ އެންތޮނީ ބޯޑެއިން މަރުވެއްޖެ
އޭނާ މަރުވެފައިވަނީ 61 އަހަރުގައި
އެންތޮނީ ބޯޑެއިން
އެމެރިކާގެ ސެލެބްރިޓީ ޗެފް އަދި ޓީވީ ޕްރެޒެންޓަރ އެންތޮނީ ބޯޑެއިން މަރުވެއްޖެ އެވެ.
އުމުރުން 61 އަހަރުގެ އެންތޮނީ މަރުވެފައި އޮއްވާ ފެނިފައިވަނީ މިދިޔަ ހުކުރު ދުވަހުގެ ވަގުތެއްގައި ފްރާންސްގައި އޭނާހުރި ހޮޓެލް ރޫމް ގައެވެ.
އެންތޮނީ މަރުވެފައި މިވަނީ އޭނާ މިހާރު ޝޫޓް ކުރަމުންދާ ސީރީޒް "ޕާޓްސް އަންނޯން" ގެ ސޫޓިން އަށް ގޮސް އުޅެނިކޮށެވެ.
ޚާއްސަކޮށް ސީއެންއެންއެންގެ ބެލުންތެރިންގެ މެދުގައި މަގުބޫލު މޫނެއް ކަމުގައިވާ އެންތޮނީ ވަނީ ގިނަ ޓީވީ ޝޯތަކެއް ހުށަހަޅައިދީ އެކި ގައުމުތަކުގެ ކާބޯތަކެތީގެ ދިރާސާތައް ކޮށް، އޭގެ ވާހަކަތައް އާންމުންނަށް ގެނެސްދީފައެވެ.
ކާއެއްޗެހި ތައްޔާރުކުރާނެ ގޮތުގެ ރެސިޕީ ފޮތްތަކުގެ އިތުރުން އޭނާގެ ދަތުރުތަކުގެ ތަޖުރިބާ އާއި އެހެން ގައުމުތަކުގެ ކާއެއްޗެހީގެ ވާހަކަތައް އޭނާގެ ފޮތްތަކުގެ އެންތޮނީ ވަނީ ގެނެސްދީފަ އެވެ.
2017 ވަނަ އަހަރު އެމެރިކާގެ ކުރީގެ ރައީސް ބަރަކް އޮބާމާ ވިއެޓްނާމަށް ކުރެއްވި ދަތުރުފުޅުގައި ހޮޓަލަކަށް ވަދެ އެންތޮނީ އާއި އެކު ފަރިއްކުޅުވައިފައި ވެއެވެ. އެ ހަނދާންތައް އާކުރައްވައި އޮބާމާ ވަނީ އެންތޮނީގެ މަރުގެ ހަބަރާ އެކު ޓްވީޓެއް ވެސް ކުރައްވަފައެވެ.
މީގެ އިތުރުން އެމެރިކާގެ މިހާރުގެ ރައީސް ވަނީ އެންތޮނީގެ އާއިލާއަށް ތައުޒިޔާ ފޮނުވާފައެވެ. އަދި އޭނާގެ ޝޯވަރަށް ކަމުދާ ކަމަށް ޓްރަމްޕް ވަނީ ބުނެފައެވެ.
މިދިޔަ ހުކުރު ދުވަހު އެންތޮނީ މަރުވެފައި ވާއިރު އެމެރިކާގެ މަޝްހޫރު ފެޝަން ޑިޒައިނަރ ކޭޓް ސްޕޭޑް ވަނީ ދާޑީ ފަހުން މަރުވެފއި އޮއްވާ ފެނިފައެވެ.
