ރެއިންބޯ ރޯދަ ސޭލްގެ ގުރުނެގުން ހޮނިހިރު ދުވަހު
ރޯދަ ސޭލަށް ބޮޑު ތަރުހީބެއް ލިބުނު
ރެއިންބޯ ލިވިންގް މޯލް
ރެއިންބޯ ރޯދަ ސޭލްގެ ގުރުނެގުން ޖޫން 9 ވަނަ ދުވަހުގެ ރޭ 21:00 ގައި ރެއިންބޯ ލިވިންގް މޯލްގައި ބޭއްވުމަށް ނިންމައިފިއެވެ.
ރެއިންބޯ އެންޓަޕްރައިސަސްގެ ޖެނެރަލް މޭނެޖަރ އަބްދުﷲ އަސްލަމް ވިދާޅުވީ ރޯދަ ސޭލަށް ބޮޑު ތަރުހީބެއް ލިބުނު ކަމަށާއި ކުރިއަށް އޮތް ތާނގައި ވެސް ތަފާތު ސޭލްތަކެއް ކުރިއަށް ގެންދިއުމަށް ހަމަޖެހިފައިވާ ކަމަށެވެ.
ރެއިންބޯގެ ރޯދަ ސޭލްގެ ދަށުން 500ރ. އިން ފެށިގެން މަތީގެ ކޮންމެ ވިޔަފާރީއަކަށް ސޭލްގައި ބައިވެރިވެވޭ ގޮތަށް ކޫޕަނެއް ދޫކޮށްފައިވާއިރު ގްރޭންޑް ޕައިޒްގެ ގޮތުގައި ނަސީބުވެރި ތިން ފަރާތަކަށް 50،000ރ. ގެ ކިޗަން ސިސްޓަމެއް ލިބިގެންދާނެ ކަމަށް ރެއިންބޯ އިން ބުންޏެވެ.
މީގެ އިތުރުން ކޮންމެ ހަފްތާއަކު ނަސީބުވެރިޔަކު ހޮވާފައިވާއިރު ހޮވޭ ނަސީބުވެރިޔާ ބޭނުން 10 މީހުން ގޮވައިގެން "ޝެލް ބީންސް" އިން ރޯދަ ވީއްލުމުގެ ފުރުސަތު ރެއިންބޯ އިން ހުޅުވާލިއެވެ.
ގުރުއަތުން ހޮވޭ ފަރާތްތަކުގެ މައުލޫމާތު އެއް ހަފްތާ ފަހުން ރެއިންބޯގެ ފިހާރަތަކުންނާއި ރެއިންބޯ ފޭސްބުކް ޕޭޖް މެދުވެރިކޮށް ލިބިގެންދާނެ ކަމަށް ރެއިންބޯ އިން މައުލޫމާތުދެއެވެ.
ރެއިންބޯ އިން ވަނީ މީގެ ދެ މަސް ކުރިން "ރެއިންބޯ އިޔަރ އެންޑް ސޭލް" ކާމިޔާބު ކަމާއެކު ނިންމާލާ ސޭލްގެ ނަސީބުވެރިން ހޮވާފައެވެ. އަދި މި އަހަރު ރެއިންބޯ އިޔަރ އެންޑް ސޭލް ފުރިހަމަކޮށް ބޭއްވުމަށް ނިންމާފައިވާ ކަމަށް އެ ފަރާތުން ބުނެއެވެ.
