ރެއިންބޯ އިޔަރ އެންޑް ސޭލްގެ ނަސީބުވެރިން ހޮވައިފި

ރެއިންބޯ އިޔަރ އެންޑް ސޭލް އަކީ ފާއިތުވި 8 އަހަރުން ފެށިގެން ބާއްވަމުން އަންނަ ސޭލްއެކެވެ. އެގޮތުން މިދިޔަ އަހަރު މި ސޭލް ކުރިއަށް ގެންގޮސްފައިވަނީ ނޮވެމްބަރު މަހުގެ 25 ވަނަ ދުވަހުން ފެށިގެން މިއަހަރުގެ ޖެނުއަރީ މަހުގެ 18 ވަނަ ދުވަހާއި ހަމައަށެވެ.

ބުރާސްފަތި ދުވަހުގެ ރޭ ރެއިންބޯ އިޔަރ އެންޑް ސޭލްގައި ގުރުއަތުން ހޮވުނު ފަރާތްތައް ހޮވާފައިވަނީ ރެއިންބޯ ލިވިންގް މޯލްގައި ބޭއްވި ކުޑަ ރަސްމިއްޔާތެއްގައެވެ.

މި ސޭލްގައި އެއްވަނަ ހޮވުނު ފަރާތަށް އައިފޯން 10 އެއް ލިބިގެންދާއިރު އެ ފޯނުގެ ނަސީބުވެރިއަކަށް ހޮވިފައިވަނީ އަލީ އަހްމަދު (ބިލް ނަންބަރު: 6163) އެވެ.

ދެވަނަ އަށް އަދި ތިންވަނަ އަށްވެސް ގުރުއަތުން ހޮވިފައިވަނީ އެއްފަރާތަކެވެ. އެއީ އާތިފާ އަބްދުލް ލަތީފް (ބިލް ނަންބަރު: 6863) އެވެ. އެގޮތުން ދެވަނަ އިނާމަށް 50 އިންޗީގެ އެލް.އީ.ޑީ ޓީވީއެކެވެ. އަދި ތިންވަނަ އިނާމަކީ އެންމެ ފަހުގެ އައިސް އަލަމާރީއެކެވެ.

މި ރަސްމިއްޔާތުގައި ވާހަކަ ދައްކަވަމުން ރެއިންބޯ އެންޓަޕްރައިސަސްގެ ޖެނެރަލް މޭނެޖަރ އަބްދުﷲ އަސްލަމް ވިދާޅުވީ ގުރުއަތުން ހޮވުނު ފަރާތްތަކުގެ މައުލޫމާތު އެ ކުންފުނީގެ ފޭސްބުކް ޕޭޖް މެދުވެރިކޮށް ހިއްސާ ކުރައްވާނެ ކަމަށާއި ހަފްތާއެއްގެ ތެރޭގައި ގުރުއަތުން ހޮވުނު ފަރާތްތަކާއި އިނާމުތައް ހަވާލުކުރެވިގެންދާނެ ކަމަށެވެ.

މިއަހަރުވެސް މިއަށްވުރެ ފުރިހަމަކޮށް މިއަހަރުގެ އިޔަރ އެންޑް ސޭލް ބާއްވާނެ ކަމަށް އެ ކުންފުނިން ބުންޏެވެ.

މީގެ އިތުރުން މި އަހަރު ބޭއްވުމަށް ހަމަޖެހިފައިވާ ރޯދަ ސޭލްވެސް އެހެން އަހަރުތަކާއި ވަރަށް ތަފާތުވާނެ ކަމަށް ރެއިންބޯ އިން ވަނީ ފާހަގަކޮށްފައެވެ.