ވަޒީފާއާ ބެހޭ ޓްރައިބިއުނަލްގެ ކުރީގެ ނައިބު ރައީސް އަލްއުސްތާޒު އަބްދުﷲ އަލީ ޖުމްހޫރީ ޕާޓީއަށް ސޮއި ކުރައްވައިފި އެވެ.
އަބްދުﷲ އަލީ އެ ޕާޓީއަށް ސޮއި ކުރެއްވީ މ. ކުނޫޒުގައި އަންގާރަ ދުވަހުގެރޭ ބޭއްވި ހާއްސަ ރަސްމިއްޔާތެއްގަ އެވެ.
އަބްދުﷲ ޖޭޕީއަށް ސޮއި ކުރެއްވުމުން އޭނާގެ މެންބަޝިޕް ފޯމާ ހަވާލުވެވަޑައިގެންނެވީ ޖުމްހޫރީ ޕާޓީގެ ނައިބް ލީޑަރު އަދި ކުރީގެ ވަޒީރު އަބްދުﷲ ކަމާލުއްދީން އެވެ. މިރަސްމިއްޔާތުގައި ޖޭޕީގެ އިސް ސަފުގައި ހަރަކާތްތެރިވާ ބައެއް ބޭފުޅުން އަދި ކުރީގެ ބައެއް ވަޒީރުން ބައިވެރިވެވަޑައިގެންނެވިއެވެ.
ވަޒީފާއާ ބެހޭ ޓްރައިބިއުނަލްގެ ނައިބު ރައީސް ކަން ކުރުމުގެ އިތުރަށް އަބްދުﷲ ވަނީ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ)ގައި ޑިރެކްޓަރެއްގެ ގޮތުގައި ވެސް މީގެ ކުރިން މަސައްކަތް ކުރައްވާފަ އެވެ.
އަބްދުﷲއަކީ މާސްޓާސް އޮފް ކޮމްޕެއާރެޓިވް ލޯ ހައްދަވާފައިވާ ގާނޫނީ ދާއިރާގެ ބޭފުޅެކެވެ.