ސްޓާބަކްސްގެ ޗެއާމަން އެ ކުންފުނި ދޫކޮށްލަނީ
5 ޖޫން 2018 | އަންގާރަ 10:48ސްޓާބަކްސްގައި މަސައްކަތް ކުރާތާ 36 އަހަރު
ސްޓާބަކްސްގެ އެގްޒެކުޓިވް ޗެއާމަން ހަވާޑް ޝާލްޒް | ގެޓީ އިމޭޖަސް
ސްޓާބަކްސްގެ އެގްޒެކުޓިވް ޗެއާމަން ހަވާޑް ޝާލްޒް، އެ ކުންފުނީގައި މަސައްކަތް ކުރާތާ 36 އަހަރަށް ފަހު ވަކިވާން ނިންމައިފިއެވެ.
މިދިޔަ އަހަރު ކުންފުނީގެ ޗީފް އެގްޒެކިއުޓިވް މަގާމުން ރިޓަޔަ ކުރެއްވި ޝާލްޒް ވަނީ ޖޫން މަހުގެ 26 ވަނަ ދުވަހުގައި ބޯޑް އޮފް ޑިރެކްޓާސްގެ ގޮޑިކޮޅު ދޫކޮށްލެއްވުމަށް ވެސް ނިންމަވާފައެވެ.
މިކަމުގެ ސަބަބުން އެބޭފުޅާގެ ފިކުރުތަކާ މެދު އާންމުންގެ ތެރޭގައި ވާހަކަ ދެކެވެމުންދާއިރު، ސިޔާސީ ވިސްނުން ހުރި ގޮތާ މެދު ވެސް ދަނީ ވާހަކަ ދެކެވެމުންނެވެ.
ނިއުޔޯކް ޓައިމްސްއަށް ދިން އިންޓަވިއުއެއްގައި ޝާލްޒް ވިދާޅުވީ މިވަގުތު ބޭނުމީ ގައުމަށް ޚިދުމަތް ކޮށްދޭން ކަމަށާއި އެކަން ކުރުމަށްޓަކައި ކޮންމެހެން އިންތިޚާބަކުން ހޮވޭ މަގާމެއްގައި ހުންނަން ނުޖެހޭ ކަމަށެވެ. ޝާލްޒް މިހެން ވިދާޅުވެފައި ވަނީ މީސްމީޑިއާއި، ނޫސްތަކުންނާއި ރިޕޯޓްތަކަުން އެބޭފުޅާ ސްޓާބަކްސް ދޫކޮށްލަނީ އެމެރިކާގެ ރައީސް ކަމަށް ކުރިމަތިލުމަށް ކަމަށް ބުނެފައިވާ ދަނޑިވަޅެއްގައެވެ.
ޝާލްޓްޒް ވިދާޅުވީ މިހާުރު މި ދަނީ ގައުމަށް ކޮށްދެވޭނީ ކޮންކަހަލަ ޚިދުމަތެއްތޯ ބަލަމުން ކަމުގައެވެ. އެހެން ނަމަވެސް ކުރަން މިއުޅޭ ކީއްކުރަންކަން އަމިއްލައަށް ވެސް މާ ބޮޑަކަށް ނޭނގޭ ކަމަށެވެ.
ސްޓާބަކްސްގައި ގިނަ ދުވަސްތަކެއް ހޭދަކުރި ސަލްޓްޒް އެ ކުންފުންޏާ ގުޅިފައިވަނީ 1982 ވަނަ އަހަރުއެވެ. އޭރު މަސައްކަތް ކުރީ ޗީފް އޮޕަރޭޓިންގް އޮފިސަރުގެ ގޮތުގައެވެ. އެއާއެކު ކުންފުނީގައި ހިންދެމިލުމަށް ފަހު 1985 ވަނަ އަހަރުން ފެށިގެން ވަނީ ބޯޑް އޮފް ޑިރެކްޓާސްގެ އިސް މީހާއަށް ވެވަޑައިގެން ކުންފުނި ހިންގުމާ ހަވާލުވެފައެވެ. އެ ބޭފުޅާގެ ސްޓާބަކްސް ދައުރުގައި އެ ކުންފުނިން ވަނީ އެގާރަ އައުޓްލެޓުން 28،000 އައުޓްލެޓަށް ގިނަވެ، ހިއްސާގެ އަގު އެކާވީސް ހާސް ޕަސަންޓް މައްޗަށް އަރައިގެން ގޮސްފައެވެ.
