ރާއްޖޭގެ ފުރަތަމަ އިސްލާމިކް މިނިސްޓަރު އަދި މަޝްއޫރު ދީނީ އިލްމްވެރިޔާ ޑރ. އަބްދުލް މަޖީދު އަބްދުލްބާރީގެ ތައުބީންގެ ޖަލްސާ އިސްލާމީ މަރުކަޒުގައި މިރޭ ބާއްވާ ގޮތަށް ނިންމައިފިއެވެ.
ޑރ. މަޖީދު އަވަހާރަވީ ލަންކާ ހޮސްޕިޓަލުގައި ފަރުވާދެމުން ދަނިކޮށް މެއި 22 ވަނަ ދުވަހުއެވެ.
ޑރ. މަޖީދުގެ ތައުބީނުގެ ޖަލްސާ ބޭއްވުމަށް ހަމަޖެހިފައި ވަނީ މިރޭ އިސްލާމީ މަރުކަޒުގައެވެ. ޖަލްސާ ފެށުމަށް ހަމަޖެހިފައި ވަނީ 10:00ގައެވެ.
އިދިކޮޅު އެމްޑީޕީންނާއި ގުޅިފައިވާ ސިޔާސީ ޕާޓީތަކުގެ ލީޑަރުން ވަނީ އެ ޖަލްސާގައިި ހުރިހާ ފަރާތްތަކުން ބައިވެރިވުމަށް އިލްތިމާސްކޮށްފައެވެ. ޑރ. މަޖީދަކީ އިިދިކޮޅު ފަރާތްތަކުގެ އިިސްލާހީ މަސައްކަތްތަކުގައި މުހިންމު ދައުރެއް އަދާކުރައްވާ، އަނިޔާވެރިކަމާއި ދެކޮޅަށް ސާބިތުވެ ހުންނެވި ދީނީ އިލްމުވެރިޔެކެވެ. އޭގެ އިތުރުން ސަރުކާރު ޖަވާބުދާރީ ކުރުވުމަށް ވެސް ޑރ. މަޖީދު ގިނަ މަސައްކަތްތަކެއް ކުރައްވާފައިވެއެވެ.
މަޖީދަކީ ދީން ބުނެ ދެއްވައި، ދީނީ ތައުލީމު ފުޅާކުރުމަށް ގިނަ މަސައްކަތްތަކެއް ކުރެއްވި އިލްމްވެރިޔެކެވެ. އަދި މުޅި ޤައުމުގެ އިހްތިރާމާއިި ލޯބި ލިބިވަޑައިގެން ހުންނެވި ބޭފުޅެކެވެ. ގުރުއާނުގެ އިލްމު ފެތުރުއްވުމުގައި ބުރަ މަސައްކަތްތަކެއް ކުރެއްވި މަޖީދަކީ ތަފްސީރު އިލްމުން ޕީއެޗްޑީ އެންމެ ފުރަތަމަ ނެންގެވި ބޭފުޅާއެވެ.