ޑިޒްނީ އާއި ޕިކްޒާގެ "ދި އިންކްރެޑިބަލްސް 2" ގެ ހިންދީ ވާރޝަނަށް ބޮލީވުޑްގެ މަޝްހޫރު ތަރި ކާޖޮލް ދޭވްގަން އަޑު އަޅައިފިއެވެ.

ކާޖޮލް އަޑު އަޅާފައިވަނީ އިންކްރެޑިބަލްސް2 ގެ އިލާސްޓިގާރލްގެ ކެރެކްޓާއަށެވެ.

ކާޖޮލް އެކަމާއި ގުޅޭގޮތުން ބުނެފައިވަނީ އިންކްރެޑިބަލްސް2 އަކީ އޭނާ ވަރަށް ގަޔާވާ ފިލްމެއް ކަމަށާއި މި ފިލްމަށް އަޑުއަޅަން ލިބުމަކީ އޭނާ ވަރަށް އުފާވާ ކަމެއްކަމަށެވެ.

އިންކްރެޑިބަލްސް އިންގްލިޝް ވާރޝަންއަށް އަޑު އަޅާފައިވާ ފަރާތްތަކަށް ބަލާއިރު މިސްޓަރ އިންކްރެޑިބަލްސް އަށް އަޑުއަޅާފައިވަނީ ކްރެއިގް ޓީ. ނެލްސަން އެވެ. އަދި އިލާސްޓިގާލް އަށް ހޮލީ ހަންޓަރ އަޑުއަޅާފައިވާއިރު ފްރޯޒޯން އަށް އަޑުއަޅާފައިވަނީ ސެމުއެލް އެލް. ޖެކްސަން އެވެ. އިލާސްޓިގާރލް އާއި އިންކްރެޑިބަލްސްގެ އަންހެން ދަރިފުޅު ވައިލެޓް އަށް އަޑުއަޅައިދީފައިވަނީ ސޭރާ ވަވެލް އެވެ.

އިންކްރެޑިބަލްސް ފްރަންޗައިޒްގެ ފުރަތަމަ ފިލްމު ނެރެފައިވަނީ 2004 ވަނަ އަހަރުގައެވެ. އެފިލްމު ލިޔެ ޑައިރެކްޓް ކޮށްފައިވަނީ

ބްރެޑް ބާޑްއެވެ. ފިލްމް ބޮކްސް އޮފީހުގައި 633 މިލިއަން ޑޮލަރުގެ ފައިދާއެއް ވަނީ ހޯދާފައެވެ.

އިންކްރެޑިބަލްސް2 ރިލީޒް ކުރުމަށް ހަމަޖައްސާފައި ވަނީ 15 ޖޫން 2018 ގައެވެ.

އިންކްރެޑިބަލްސް2 އިންޑިއާގައި ޑަބްކޮށްގެން އަޅުވާނީ އަންނަ ޖޫންމަހުގެ 22 ގައެވެ. މި ފިލްމު ހިންދީ، ތަމަޅަ އަދި ތެލުގޫ ބަހުން ޑަބްކޮށްގެން ގެނެސްދޭނެއެވެ.