ބޮލީވުޑްގެ ތަރި ކާޖޮލް ދޭވްގަންގެ އީލާ އަންނަ ސެޕްޓެމްބަރުގައި ރިލީޒްކުރާ ގޮތަށް ހަމަޖެހިއްޖެއެވެ.
ޔަޝްރާޖް ސްޓޫޑިއޯއިން ގެނެސްދޭ މި ފިލްމުގެ ޕްރޮޑިއުސަރަކީ ކާޖޮލްގެ ފިރިމީހާ އަޖޭ ދޭވްގަންއެވެ.
މި ފިލްމު ރިލީޒްކުރާނީ އަންނަ ސެޕްޓެމްބަރު މަހުގެ 14 ވަނަ ދުވަހުއެވެ.
އީލާގައި ކާޖޮލް ފެންނާނީ ލަވަ ކިޔުންތެރިއެއްގެ ރޯލުންނެވެ. މިފިލްމަކީ އެކަނިވެރި މައެއްގެ ދިރިއުޅުން ދައްކުވައިދޭ ފިލްމެކެވެ.
މި ފިލްމުގައި މަޖުބޫރުން ކުރާ ކައިވެންޏަށް ދަރިއަކު ލިބި އެކައިވެނި ރޫޅެއެވެ. އަދި އެކަނިވެރި މައެއްގެ ގޮތުގައި ދަރިފުޅު ބޮޑުކުރުމަށް ކާޖޮލް މަސައްކަތް ފަށައެވެ. އަދި އޭނާއަށް ލިބިފައިވާ ލަވަކިޔުމުގެ ހުނަރު ތަރައްގީކޮށް ހުވަފެން ކާމިޔާބު ކުރުމަށް މަސައްކަތް ކުރެއެވެ.
އީލާ އަކީ ގުޖްރާތީ ޕްލޭއެއް ކަމަށްވާ "ބެޓާ، ކާގްދޯ" އަސްލަކަށް ބަލައިގެން އުފައްދާ ފިލްމެކެވެ.
އީލާ ޑައިރެކްޓް ކުރާނީ ޕްރަދީޕް ސަރްކާރެވެ.
