ފްރިކުއެންސީ މޮޑިއުލޭޝަން ސިސްޓަމެއް ޖަމާލުއްދީން ސްކޫލުގައި ބަހައްޓައިފި
ފްރިކުއެންސީ މޮޑިއުލޭޝަން ސިސްޓަމްއަކީ އަޑުއިވުމުގައި މައްސަލަ ހުންނަ ކުދިންނަށް އޮތް އެހީއެއް
ޖަމާލުއްދީން ސްކޫލް: އެ ސްކޫލްގައި މޮނިއުމެންޓެއް ބިނާކޮށްދޭނެ ފަރާތެއް ހޯދުމަށް ކުރި އިޢުލާނު ވަނީ ބާތިލް ކޮށްފަ -- ގޫގުލް
އަޑުއިވުމުގައި މައްސަލަ ހުންނަ ކުދިންނަށް އެހީވުމަށް ފްރިކުއެންސީ މޮޑިއުލޭޝަން ސިސްޓަމް (އެފްއެމްސީ) ޖަމާލުއްދީން ސްކޫލުގައި ބަހައްޓައިފިއެވެ.
ޖަމާލުއްދީން ސްކޫލުގައި އިއްޔެ ބޭއްވި ރަސްމިއްޔާތުގައި އެ ސިސްޓަމް އިފްތިތާހު ކޮށްދެއްވީ އެޑިއުކޭޝަން މިނިސްޓަރު ޑރ. އައިޝަތު ޝިހާމެވެ.
މިއީ މޮރީޝަސް ކޮމާޝަލް ބޭންކުން ޖަމާލުއްދީން ސްކޫލަށް ހަދިޔާކުރި ސިސްޓަމެކެވެ.
މިސިސްޓަމާއި ބެހޭ ގޮތުން ޖަމާލުއްދީން ސްކޫލުން ބުނީ މިފަދަ ސިސްޓަމެއް އެސްކޫލުގައި ބެހެއްޓީ އަޑުއިވުމަށް ދަތިވެފައިވާ ކުދިންނަށް އެހީވުމުގެ މަގުސަދު ކަމަށެވެ، އަޑުއިވުމުގެ މައްސަލަ ހުންނަ ކުދިންނަށް އަޑުއިވެނީ އެކިވަރަށްކަން ކަމަށާއި، ނަމަވެސް މި ސިސްޓަމް ބޭނުންކުރުމުން އެކަމަށް ހައްލު ލިބިގެންދާނެ ކަމަށް އެސްކޫލުން ބުންޏެވެ. ޖަމާލުއްދީން ސްކޫލުން ބުނީ އަދި މިއީ 300،000 ރުފިޔާގެ ސިސްޓަމެއް ކަމަށާއި އަދި އެ ސިސްޓަމް އެއްފަހަރާ 24 ކުދިންނަށް ބޭނުންކުރެވޭނެ ކަމަށެވެ.
ފްރިކުއެންސީ މޮޑިއުލޭޝަން ސިސްޓަމަކީ ދުނިޔޭގައި ވަރަށް ކުރިއަރައިފައިވާ ސިސްޓަމެކެވެ. އަދި މި ސަރަހައްދުގައިވެސް އެ ސިސްޓަމް ބަހައްޓައިފައިވަނީ ހަމައެކަނި ސިންގަޕޫރުގައި ކަމަށް ޖަމާލުއްދީން ސްކޫލުން މައުލޫމާތުދެއެވެ.
