ދެ ސައިކަލް ޖެހި ހައްދުންމަތީ ގަމުގައި ނުރައްކާތެރި އެކްސިޑެންޓެއް ހިންގާއިފިއެވެ.
މި އެކްސިޑެންޓް ހިނގާފައި ވަނީ އާދީއްތަ ދުވަހު މެންދުރު ގަމު މަތިމަރަދޫ އަވަށު ބޮޑު މަގުންނެވެ. ދެ ސައިކަލް ޖެހި ހިނގި މި އެކްސިޑެންޓުގައި ސައިކަލްގައި ތިބި މީހުންނަށް ސީރިއަސް އަނިޔާތަކެއް ލިބިފައެއް ނުވެއެވެ. އެހެންނަމަވެސް ސައިކަލް ދުއްވަން ތިބި ދެ މީހުން ވަނީ ގަމު ރީޖަލް ހޮސްޕިޓަލަށް ގެންގޮސް ފަރުވާދީފައެވެ.
އެކްސިޑެންޓް ހިނގި އިރު އެސަރަހައްދުގައި ހުރި މީހަކު ރާއްޖެއެމްވީއަށް މައުލޫމާތު ދެމުން ބުނީ، އެކްސިޑެންޓް ހިނގަން މެދުވެރިވީ ގަމު ބޮޑު މަގުން ގަމު ރީޖަނަލް ހޮސްޕިޓަލް އޮފީހަށް ދިއުމަށް ބޮޑު މަގު ހުރަސްކޮށް ގޯޅި އެޅި ސައިކަލެއް ބޮޑު މަގުން ދުއްވާފައި ދިޔަ ސައިކަލަކާއި ޖެހިގެން ކަމަށެވެ.
ހައްދުންމަތީ ގަމު ލިންކް ރޯޑް ހެދިފަހުން ނުރައްކާތެރި ގިނަ އެކްސިޑެންޓުތަކެއް އެރަށުގައި ދަނީ ހިނގަމުންނެވެ.
