ނިއުމާއާއި ސުނީތާއާ ޖެހުނު އަސްލު މައްސަލަ މިއޮތީ

މިއީ މީގެ ގާތްތަނޑަކަށް ހަތަރު އަހަރު ކުރިން ދިވެހި ފިލްމީ ދާއިރާގައި އެންމެ ހޫނުގަދަވި އެއް މައްސަލައެވެ.

ފިލްމު އެސޯސިއޭޝަނުން އެހަރުގެ ރަމަޟާން މަހާ ދިމާކޮށް ބޭއްވި ފުޓްބޯޅަ މުބާރާތެއްގައި އެކުލަވައިލި ޓީމުގެ ނަމަކަށް ނެށުންތެރިޔާ ސުނީތާ އަލީ ބޭނުންވީ ޕްރިޔާންކާގެ ނަމުން ނަންދޭށެވެ.އެހެން ނަމަވެސް ގިނަ ފަންނާނުން އެކަމާއި ދެކޮޅެވެ.

ސުނީތާއާއި ފިލްމީ ތަރި ނިއުމާ މުހައްމަދުގެ އެކަމާއި ގިނަ ފަންނާނު ދެކޮޅުވުމުން ސުނީތާ ވަނީ ޓީވީތަކަށް އަރައި ދާއިރާގެ މީހުންގެ އަބުރަށް ހުތުރުވާ ގޮތަށް ވާހަކަ ދައްކައި އެމީހުންނަށް ޒާތީ ގޮތުން ވާހަކަ ދައްކާފައިވާ ކަމަށް ފިލްމީތަރިން އޭރު ވަނީ ބުނެފައެވެ.

މިމައްސަލަ ފިލްމު އެސޯސިއޭޝަންގެ އިސްވެރިންތަކެއް ވަނީ ސުނީތާ އާއި ނިއުމާއާ ބައްދަލުކޮށް ހައްލު ކޮށްދީފައެވެ.

އެހެން ނަމަވެސް ރާއްޖެޓީވީގެ ފަސް ސުވާލު ޕްރޮގްރާމްގައި ނިއުމާ އާ ސުވާލުކުރުމުން ނިއުމާ ބުނީ އެމައްސަލައިގައި މީހުންނަށް އެނގެނީ ސުނީތާގެ އެއްބައި ކަމަށެވެ.

ނިއުމާ ބުނީ ފުޓްބޯޅަ މުބާރާތުގައި އެކުލަވައިލި ޓީމުގެ ނަމަކަށް ޕީސީގެ ނަމުން ފިލްމު އެސޯސިއޭޝަނުން ހުއްދަ ނުދިނުމުން އޭރު ބައެއްތަރިން ސުނީއާއި އެއްކޮޅަށް ހިފި ކަމަށެވެ. އޭގެ ތެރޭގައި ފިލްމީ ދާއިރާގައި މަސައްކަތް ކުރާ ޒީނަތާއި ޒިޔާ ހިމެނޭ ކަމަށެވެ. އެމީހުން ވެސް ނުރުހުން ފާޅުކުރީ ފިލްމު އެސޯސިއޭޝަންގެ މެމްބަރުންނަށް ކަމަށާއި މައްސަލައިގައި އަލިފާން ރޯވީ ޓީވީ އިންޓަވިއުއަކަށް އަރައި "ފިލްމީ ދާއިރާގައި އުޅެނީ ރާބޮއިގެން އުޅޭ މީހުންނޭ ހައްދު ޖަހާފައި ތިބި މީހުންނޭ މިވެނި ބައެކޭ އެވެނިބައެކޭ" ބުނުމުން ކަމަށެވެ. ވައިބާ ގުރޫޕުގައި އޭނާ އަމިއްލައަށް އިސްނަގައިގެން އެހެން އެއްޗެހިކިޔުން މީޑިއާތަކުގައި ކަމަކު ނުދާނެ ކަމަށް ބުނިކަމަށް ނިއުމާ ބުންޏެވެ.

"މިސާލަކަށް ސުނީ އަށް އިންޑިއާގެ ފިލްމީ ދާއިރާގެ މީހަކުގެ ނަން ނުޖަހައިގެން އޭނާ ނުޖެހޭނެ ފިލްމީ ދާއިރާގައި ތިބި މީހުންނަށް ބަވާކަށް. އަހަރެމެން އަހަރެމެން ދާއިރާގެ އަގު ހިފަހައްޓާނީ

.އެކަމާ ހިތްހަމަ ނުޖެހިގެން އަހަރެން ފުރަތަމަގުރޫޕް ތެރޭގައި އެއްޗެއް ބުނީ" ނިއުމާ ބުންޏެވެ.

ވައިބާ ގުރޫޕުގައި ދެއްކި "ހަޔާތް ގޮވުމުގެ" އޯޑިއޯއެއް ވަނީ ލީކު ކޮށްލާފައެވެ. ސުނީ ބުނެފައިވާގޮތުގައި އެ އޯޑިއޯ ލީކު ކޮށްލީ އޭނާގެ ފޯނުންނެވެ. އެހެން ނަމަވެސް ނިއުމާ ބުނީ އެ ގުރޫޕަކީ ހަމައެކަނި ފިލްމީ ދާއިރާގައި ހަރަކާތްތެރިވާ މީހުން އުޅޭ ގުރޫޕެއް ކަމަށާއި އެ އޯޑިއޯ ލީކު ކޮށްލީ ސުނީތާކަމަށެވެ.

"ދެން އޭނާ ދެއްކީ އޭނާގެ ކޮޅުން އަރެމެން އޭނައާއި ދިމާލަށް އެއްޗެހި ކިޔޭ ކިޔާފަ އެކި ތަންތަންކޮޅު އެޑިޓް ކޮށްގެން އޭނަ އޯޑިއޯ ނެރެފައި އެ އިއިނީ .. ސުނީ އޯޑިއޯ ނެރުނީ " ނިއުމާ ބުންޏެވެ.

ނިއުމާ ބުނީ އެ އޯޑިއޯ ސުނީ ނެރުނީ ފިލްމީ ދާއިރާގެ މީހުންގެ އަގު ވައްޓާލަން ކުރި ކަމެއް ކަމަށެވެ. މިހާރު ރާއްޖޭގައި "ބަވަން" ވީމަ ގިނަ މީހުން އެއްޗެހި ކިޔާނީ ހަޑިކޮށް ކަމަށާއި އެ އޯޑިއޯ ސުނީ ސޯޝަލް މީޑިއާއަށް ލާކަށް ނުޖެހޭ ކަމަށެވެ.

ސުނީތާ އޭނާގެ އެންމެ ބޮޑު ފޭން ޕްރިޔަންކާއާއި އެކީގައި

"ދެން އޭނަ އެ ނެރެގެން އަހަރެމެންގެ އަގުވައްޓާލަން ކުރި ކަމެއް އެއީ. ހަމަ ގިނަ ރައްޓެހިން މައްސަލަ ޖެހުނީމަ ހަޑިކޮށް ވާހަކަ ދައްކާނީ . މެޖޯރިޓީ މީހުންގެ ތެރެއިން ރައްޓެހިން ބަވަން ވީމަ ބަވާނީ ހަޑިކޮށް، އޭތި ދެން ސޯޝަލް މީޑިއާގައި އޭނަ ނުޖެހޭނެ ކަންނޭގެ ލާކަށް. ކޮންމެ މީހެއްގެ އިންނާނެ ޑާކްސައިޑެއް، އެ އެންމެނަށް އެނގެން ޖެހޭ އެއްޗެއް ނޫން . ދެން އަހަރެމެން ރޯދަމަސްވީމަ ރޯދަ ފޫހި ފިލުވާލީ ހަމަ ރަނގަޅަށް އެކަމަކާ އަހަރެން އެއްވެސް ވަރަކަށް ރިގްރެޓެއް ވެސް ނުވަން ދެރައެއް ވެސް ނުވަން." ނިއުމާ ބުންޏެވެ.

އޭގެ ފަހުން ނިއުމާއާއި ސުނީތާގެ މައްސަލަ ވަނީ ހައްލުވެފައެވެ. ނިއުމާ ބުނާގޮތުން ސުނީތާ ވެސް މަގުމަތިން ފެނުމުން އޭނާއާއި އިސްވެ ވާހަކަ ދައްކައެވެ. އަދި އޭނާ ވެސް ސުނީތާއާއި ވާހަކަ ދައްކައެވެ.