ތޫފާނުގައި ހާލުގައި ޖެހުނު މީހުންނަށް ޖެނިފާ އެނިސްޓަން އެއް މިލިއަން ޑޮލަރު ހަދިޔާ ކޮށްފި

އެމެރިކާ އާއި ކެރީބިއަންގެ ރަށްތަކަށް އެރި ތޫފާނުގައި ހާލުގައި ޖެހުނު ފަރާތްތަކަށް އެހީވުމަށް އެމެރިކާގެ އެކްޓްރެސް ޖެނިފާ އެނިސްޓަން އެއް މިލިއަން ޑޮލަރު ހަދިޔާ ކޮށްފިއެވެ.

ޖެނިފާ އެނިސްޓަން ހަދިޔާ ކުރި އެއްމިލިއަން ރުފިޔާގެ ތެރެއިން 500،000 ޑޮލަރު ހަދިޔާ ކުރީ އެމެރިކަން ރެޑްކްރޮސެންޓަށެވެ. އަދި އަނެއް 500،000 ޑޮލަރު ހަދިޔާކޮށްފައި ރިކީ މާޓިން ފައުންޑޭޝަން އަށެވެ.

މި ތޫފާނުގައި ހާލުގައި ޖެހުނު މީހުންނަށް ޖެނިފާގެ އެހީތެރިކަން ލިބުނީތީ އުފާ ކުރާ ކަމަށް ރިކީ މާޓިން ފައުންޑޭޝަނުން ވަނީ ބުނެފައެވެ. އަދި މިފަދަ ދަނޑިވަޅެއްގައި ޖެނިފާގެ ފަރާތުން ވެދިން އެހީތެރިކަމަށްޓަކައި އެ ފައުންޑޭޝަނާއި އެ އަވަށުގެ ރައްޔިތުންގެ ފަރާތުން ވަނީ ޝުކުރު އަދާކޮށްފައެވެ.

އެމެރިކާއާއި ކެރީބިއަންގެ ރަށްތަކަށް އެރި ތޫފާނުގައި ހާލުގައި ޖެހުނު ފަރާތްތަކަށް ޖެނިފާގެ އިތުރުން އެހެނިހެން ފަންނާނުން ވެސް ދަނީ އެހީވަމުންނެވެ. އެގޮތުން ލޭޑީ ގާގާ ކިމް ކާޑޭޝިއަން، ޖަސްޓިން ބީބާ އަދި ބިޔޯންސޭ ހިމެނެއެވެ.