ހާލުގައި ޖެހިފައިވާ އީރާންގެ މަސްބޯޓެއް ބުރާސްފަތި ދުވަހު ރާއްޖޭގެ ސަރަހައްދުން ފެނިއްޖެއެވެ.
އެމްއެންޑީއެފުންބުނީ ހުންގާނު ހަލާކުވެ ހާލުގައި ޖެހިފައިވާ މަސްބޯޓް ފެނިފައިވަނީ ހއ އުލިގަމުގެ 17 މޭލު ބޭރުން ރާއްޖޭގެ އިގްތިސާދީ ސަރަހައްދުން ކަމުގައެވެ.
ބޯޓާ ފުރަތަމަ ކައިރިކޮށްފައިވަނީ ކަންނެލި މަސްވެރިކަން ކުރާ ދޯންޏަކުން ނެވެ.
އެމްއެންޑީއެފުންބުނީ އެބޯޓަކީ މަސްވެރިކަންކުރާ އީރާންގެ ލަކުޑި ބޯޓެއް ކަމަށާއި، ބޯޓް ހާލުގައި ޖެހިފައިވަނީ ހުންގާނު ހަލާކުވެގެން ކަމުގައެވެ. އަދި އެބޯޓްގައި އީރާންގެ ހަ މަސްވެރިން ތިބިކަމަށްވެސް އެމްއެންޑީއެފުން ބުނެއެވެ. އެމްއެންޑީއެފުން ދަނީ ބޯޓު ކައިރީގައި ހަރަކާތްތެރިވަމުންނެވެ.
