ހާލުގައި ޖެހިފައިވާ އިރާނުގެ މަސްބޯޓެއް ފެނިއްޖެ
12 އެޕްރީލު 2018 | ބުރާސްފަތި 17:22ފެނުނު ބޯޓުގައި 6 މީހުން ތިބި
އަހުމަދު މުހުސިނު | 12 އެޕްރީލު 2018 | ބުރާސްފަތި 17:22
ކޯސްޓްގާޑް: ބުރާސްފަތި ދުވަހު ފެނުނު ބޯޓަކީ ހާލުގައި ޖެހިފައިވާ ބޯޓެއް
ހާލުގައި ޖެހިފައިވާ އީރާންގެ މަސްބޯޓެއް ބުރާސްފަތި ދުވަހު ރާއްޖޭގެ ސަރަހައްދުން ފެނިއްޖެއެވެ.
އެމްއެންޑީއެފުންބުނީ ހުންގާނު ހަލާކުވެ ހާލުގައި ޖެހިފައިވާ މަސްބޯޓް ފެނިފައިވަނީ ހއ އުލިގަމުގެ 17 މޭލު ބޭރުން ރާއްޖޭގެ އިގްތިސާދީ ސަރަހައްދުން ކަމުގައެވެ.
ބޯޓާ ފުރަތަމަ ކައިރިކޮށްފައިވަނީ ކަންނެލި މަސްވެރިކަން ކުރާ ދޯންޏަކުން ނެވެ.
އެމްއެންޑީއެފުންބުނީ އެބޯޓަކީ މަސްވެރިކަންކުރާ އީރާންގެ ލަކުޑި ބޯޓެއް ކަމަށާއި، ބޯޓް ހާލުގައި ޖެހިފައިވަނީ ހުންގާނު ހަލާކުވެގެން ކަމުގައެވެ. އަދި އެބޯޓްގައި އީރާންގެ ހަ މަސްވެރިން ތިބިކަމަށްވެސް އެމްއެންޑީއެފުން ބުނެއެވެ. އެމްއެންޑީއެފުން ދަނީ ބޯޓު ކައިރީގައި ހަރަކާތްތެރިވަމުންނެވެ.
