އެޕްރީލް މަހުގެ 21 ގައި ނެރޭ ދިވެހި ފިލްމު "ތިޔަ ލޯތްބާ ދުރަށް" ގެ ޓިކެޓް ވިއްކުން މިއަދު ފަށައިފިއެވެ.

މި ފިލްމުގެ ވާހަކަ ލިޔެ، ޑައިރެކްޓް ކޮށްފައިވާ މަރިޔަމް މޫސާ ރާއްޖެއެމްވީއަށް ބުނީ މިއަދުން ފެށިގެން ކޮންމެ ދުވަހަކު ވެސް ހެނދުނު 10 އިން ރޭގަނޑު 10 އާ ހަމައަށް އޮލިމްޕަހުން ޓިކެޓް ލިބެން ހުންނާނެ ކަމަށެވެ.

ޕްރިމިއާ ޝޯ ފިޔަވައި ކޮންމެ ޝޯއެއްގެ ޓިކެޓްގެ އަގަކީ 100ރ. ކަމަށާއި ޕްރިމިއާ ޝޯގެ ޓިކެޓެއްގެ އަގަކީ 150 ރ. ކަމަށް އޭނާ ބުންޏެވެ. މަރިޔަމް ބުނީ ގުޅައިގެން ވެސް ޓިކެޓް ބުކިން ހައްދާލެވޭނެ ކަމަށެވެ. ގުޅައިގެން ޓިކެޓް ބުކް ކުރަން ބޭނުންވާ ފަރާތްތަކުން 9884044 އަށް ގުޅާލުމުން ޓިކެޓް ބުކް ކުރެވޭނެ ކަމަށް އޭނާ ބުންޏެވެ.

"ތިޔަ ލޯތްބާ ދުރަށް" ގެ ޕްރިމިއާ ޝޯ ހުޅުމާލޭ ޝްވެކްގައި ބޭއްވުމުގެ މަސައްކަތް ކުރަމުން އަންނަ ކަމަށް ވެސް މަރިޔަމް ބުންޏެވެ.

މި ފިލްމުގެ ހުރިހާ މަންޒަރެއް ޝޫޓްކޮށްފައި ވަނީ ސްރީލަންކާގައެވެ. މި ފިލްމަކީ ތިނެސްކަން ލޯބީގެ ވާހަކައެއްގެ މައްޗަށް ބިނާކޮށް އުފައްދާފައިވާ ފިލްމެކެވެ.

މި ފިލްމުގެ ކާސްޓުންގެ ތެރޭގައި ހިމެނެނީ އަހުމަދު އަޒްމީލް (އަޒޭ)، މަލީހާ ވަހީދު (މަލް) އަދި އަހުމަދު އަމަން (ޓޮމް)ގެ އިތުރުން މަރިޔަމް ޝަހްޒާއެވެ.