ވޮންޑަރ ވުމަން 2 ގެ ރޯލަކަށް ޕެޑްރޯ ޕާސްކަލް ހަމަޖައްސައިފި
ފުރަތަމަ ފިލްމަށް ވަނީ ރަނގަޅު އާމްދަނީއެއް ލިބިފައި
ޕެޑްރޯ ޕާސްކަލް
ޑީސީ ކޮމިކްސްގެ މަޝްހޫރު ސުޕަރ ހީރޯ، "ވޮންޑަރ ވުމަން 2" ގެ ވިލަން ބައި ކުޅުމަށް ކްރިސްޓް ވީގް ހަމަޖައްސާފައި ވަނީ މިދިޔަ މަހުގެ ތެރޭގައެވެ.
"ވޮންޑަރ ވުމަން 2" އަށް ކާސްޓުން ހަމަޖައްސަމުންދާއިރު އަނެއްކާ ވެސް މިވަނީ އިތުރު ކާސްޓެއް ހަމަޖައްސާފައެވެ. ޑައިރެކްޓަރ ޕެޓީ ޖެންކިންސްގެ "ވޮންޑަ ވުމަން 2" އަށް މިފަހަރު ހަމަޖެއްސީ އެކްޓަރު ޕެޑްރޯ ޕާސްކަލްއެވެ. އޭނާ ފެނިގެން ދާނީ ކޮން ކަހަލަ ކެރެކްޓާއަކުން ކަމެއް ހާމައެއް ނުކުރެއެވެ. ޕެޑްރޯ ވަނީ ޓީވީ ސީރީޒް "ގޭމް އޮފް ތުރޯންސް" އިން ވެސް ފެނިގެން ގޮސްފައެވެ.
ޕެޑްރޯ ވަނީ ޑައިރެކްޓަރ ޕެޓީގެ "އެކްސްޕޯޒް" އިން 2011 ވަނަ އަހަރު އެކީގައި މަސައްކަތް ކޮށްފައެވެ.
ދެހާސް ސޯޅަ ވަނަ އަހަރުގެ ޖޫން މަހުގެ 2 ގައި ރިލީޒް ކުރި "ވޮންޑަ ވުމަން" އަށް ވަނީ ބެލުންތެރިންގެ ބޮޑު ތަރުހީބެއް ލިބިފައެވެ. އެފިލްމަށް 821.8 މިލިއަން ޑޮލަރުގެ އާމްދަނީއެއް ވަނީ ލިބިފައެވެ.
