މަޝްހޫރު ޑައިރެކްޓަ އަދި ޕްރެޒެންޓަ ކަރަން ޖޯހަރު ޕްރެޒެންޓް ކުރާ ޝޯ "ކޮފީ ވިތު ކަރަން" އަކީ އެތައް ބައެއްގެ މަގުބޫލު ކަމެއް ލިބިފައިވާ ޝޯއެކެވެ.
މި ޝޯގެ އެންމެ ފަހުން ގެނެސްދީފައި ވަނީ ފަސް ވަނަ ސީޒަނެވެ.
"ކޮފީ ވިތު ކަރަން"ގެ ކޮންމެ ސީޒަނެއްގައި ވެސް ކޮންމެވެސް ވަރެއްގެ ބަދަލެއް ކަރަން ގެނެސްދެއެވެ. އެގޮތުން ކޮންމެ ސީޒަނެއްގެ ވެސް ޝޯގެ އެޕިސޯޑްތައް ފެށުމަށް ތަފާތު ގޮތަކަށް ކޮންމެވެސް ކަމެއް ކުރެއެވެ. ސެލިބްރިޓީންނާއެކު ގެނެސްދޭ މި ޝޯގެ ހަ ވަނަ ސީޒަން ފަށާނެ ކަމަށް ކަރަން އިއުލާންކުރީ އިންޓަނޭޝަނަލް ކޮފީ ޑޭގެ ގޮތުގައި ފާހަގަ ކުރާ އޮކްޓޯބަރު 1 ވަނަ ދުވަހު ކުރި ޓްވީޓަކުންނެވެ. އެ ޓްވީޓެއްގައި ބުނެފައި ވަނީ ބުނެފައިވަނީ ފަހަރެއްގައި ސްޕެލިން ބަދަލުކޮށްލި ކަމުގައިވިޔަސް ބާކީ ހުރި އެއްޗިއްސަށް ލޯބިވާކަމަށެވެ.
ކޮފީ ވިތު ކަރަން ގެ ހަ ވަނަ ސީޒަން ދައްކަން ފަށާނީ މިއަންނަ ސެޕްޓެމްބަރު މަހު އެވެ. ހަ ވަނަ ސީޒަންގެ ފުރަތަމަ އެޕިސޯޑުން ފެންނާނެ ސެލެބްރިޓީންގެ ގޮތުގައި ފެނިގެންދާނީ ދާދި ފަހުން ކައިވެނި ކުރި ބޮލީވުޑްގެ ތަރި އަނުޝްކާ ޝަރުމާއާއި ކްރިކެޓް ކުޅުންތެރިޔާ ވިރާތު ކޯލީ ކަމަށް އެންމެ ފަހުގެ ޚަބަރުތައް ބުނެއެވެ. އަދި އެދެމީހުން އެޝޯގެ ފުރަތަމަ އެޕިސޯޑަށް ގެނައުމަށް ޝޯގެ ޓީމުން މަސައްކަތް ކުރަމުންދާކަމަށްވެއެވެ.
ޚަބަރުތައް ބުނާގޮތުގައި އަންނަ ސެޕްޓެމްބަރު މަހުގެ ތެރޭގައި ނެރޭ ކޮފީ ވިތު ކަރަންގެ ހަވަ ސީޒަންގެ ޝޫޓިން ފަށާނީ ޑައިރެކްޓާ ރޯހިތް ޝެއްޓީއާއެކު ގެނެސްދޭ ރިއަލިޓީ ޓީވީ ޝޯ އިންޑިއާސް ނެކްސްޓް ސުޕަސްޓާ ގެ މަސައްކަތް ނިންމުމަށް ފަހުގައެވެ.
