ސްކޫލްތަކުގެ ނަސްލީ ތަފާތުކުރުން ނައްތާލި ލިންޑާ އުމުރުން 75 އަހަރުގައި މަރުވެއްޖެ
28 މާރިޗު 2018 | ބުދަ 09:40ލިންޑަ ބްރައުން މަރުވީ އުމުރުން 75 އަހަރުގައި
ބްރައުން ވާސަސް ބޯޑް އޮފް އެޑިއުކޭޝަންއަކީ ލިންޑާގެ އާއިލާގެ މަޝްހޫރު މަސައްކަތް
މަދަނީ ހައްގުތަކަށް ގުރުބާންވެ ވަޑައިގެންނެވި އެމެރިކާގެ އެކްޓިވިސްޓް ލިންޑަ ބްރައުން އުމުރުން 75 އަހަރުގައި މަރުވެއްޖެއެވެ.
ލިންޑާ މަރުވި ޚަބަރު މާޗްމަހުގެ 26 ވަނަ ދުވަހު ބައެއް މީޑިއާތަކުން ރިޕޯޓް ކުރި ނަމަވެސް ލިންޑާ މަރުވެފައި ވަނީ މާޗް މަހުގެ 25 ވަނަ ދުވަހު ކަމަށް އާއިލާއިން ބުނެފައިވެއެވެ.
ލިންޑާގެ ބައްޕައަކީ 1954 ވަނަ އަހަރު ނަސްލީ ތަފާތުކުރާމާއި ދެކޮޅަށް ކެންސަސްގެ ދޮންމީހުންނަށް ކިޔަވައިދޭ ސްކޫލްތަކާއި ދެކޮޅަށް ދައުވާކޮށް ކާމިޔާބު ކުރި ފަރާތެވެ.
އެ ދައުވާ މަޝްހޫރުވެފައި ވަނީ ބްރައުން ވާސަސް ބޯޑް އޮފް އެޑިއުކޭޝަންގެ ނަމުންނެވެ.
ދޮން ނަސްލުގެ ކުއްޖަކަށް ނުވާތީ ލިންޑާ ސްކޫލުން ބޭރުކުރިއިރު އޭނާގެ އުމުރަކީ އެންމެ ނުވަ އަހަރެވެ.
ބްރައުންއަކީ މީގެ 60 އަހަރު ކުރިން ސިވިލް ރައިޓްސް މޫވްމެންޓާއި އެމެރިކާގެ ސްކޫލްތަކުގައި ދޮންމީހުންނާއި ކަޅު މީހުން ވަކިން ބޭތިއްބުން ނިމުމަކަށް ގެނުވި ހަރަކާތުގެ މޭސްތިރިއެވެ.
