ކަރަންޓު ބޭނުންކުރާ މިންވަރު މަދުކުރުމަށް ބަންގްލަދޭޝްގެ އޮފީސްތަކާއި ސްކޫލްތަކުގެ ގަޑިތައް ކުޑަކުރަނީ
މި ބަދަލާއި ގުޅިގެން މިހާރު ހުކުރު ދުވަހުގެ އިތުރުން ސްކޫލުތައް ހޮނިހިރު ދުވަހު ވެސް ބަންދުވާނެ
ބަންގްލަދޭޝްގެ ސްކޫލެއް
ކަރަންޓު ބޭނުންކުރާ މިންވަރު މަދުކުރުމަށް ބަންގްލަދޭޝްގެ އޮފީސްތަކާއި ސްކޫލްތަކުގެ ގަޑިތައް މަދުކުރަން އެ ޤައުމުގެ ސަރުކާރުން ނިންމައިފިއެވެ.
އެ ޤައުމުން މިހެން ނިންމީ، ރަޝިޔާ – ޔޫކްރެއިން ހަނގުރާމަ ގުޅިގެންނާއި ބާޒާރުގައި ތެލުގެ އަގު އުފުލެމުންދާތީއެވެ.
ކޮންމެ ހަފްތާއަކު ވެސް އިތުރު އެއް ދުވަހު ސްކޫލުތައް ބަންދުކުރުމަށް ނިންމާފައިވާއިރު ސަރުކާރު އޮފީސްތަކާއި ބޭންކުތަކުން މަސައްކަތް ކުރާ ދުވަސްތަކުގައި އެއްގަޑިއިރު ކުރިން މަސައްކަތްތައް ހުއްޓާލުމަށް ވަނީ ނިންމާފައެވެ.
އެޤައުމުގައި އާންމުކޮށް ސްކޫލް ބަންދުވާނީ ހުކުރު ދުވަހު އެކަންޏެވެ. އެހެންނަމަވެސް މި ބަދަލާއި ގުޅިގެން މިހާރު ސްކޫލުތައް ހޮނިހިރު ދުވަހު ވެސް ބަންދުވާނެއެވެ.
ސަރުކާރު އޮފީސްތަކާއި ބޭންކުތަކުން މަސައްކަތް ކުރާ ގަޑި ހަތް ގަޑިއިރަށް ހެދި ނަމަވެސް ޕްރައިވެޓް އޮފީސްތަކުން އެމީހުންގެ އަމިއްލަ ޝެޑިއުލްއާ އެއްގޮތަށް މަސައްކަތްކުރެވޭނެ ކަމަށް އެ ޤައުމުގެ ސަރުކާރުން ވަނީ ބުނެފައެވެ.
