ދުނިޔޭގެ އެންމެ ކާމިޔާބު އެއް ފިގަރ ސްކޭޓަރ ރާއްޖޭގައި

ދުނިޔޭގެ ތާރީހުގައި ވެސް އުފެދުނު އެންމެ މޮޅު އަދި އެންމެ ކާމިޔާބު ފިގަރ ސްކޭޓަރުންގެ ތެރޭގައި ހިމެނޭ ރަޝިއާގެ ޔުވްގީނީ ޕްލޫޝެންކޯ ރާއްޖެ އަތުވެއްޖެއެވެ.

އޭނާ ރާއްޖެ އައިސްފައިވަނީ ޖުމެއިރާ ވިޓަވެލި ރިސޯޓުގައި ހުޅުވި ރާއްޖޭގެ އެންމެ ފުރަތަމަ އައިސް ސްކޭޓިން ރިންކް ހުޅުވައިދިނުމުގެ ގޮތުންނެވެ. ޕްލޫޝެންކޯ ވަނީ މި އައިސް ސްކޭޓިން ރިންކް ހުޅުވައިދިނުމަށްފަހު ފިގަރ ސްކޭޓިންގެ ހަރަކާތްތައް ދައްކާލާފައެވެ. އޭނާ ބުނެފައިވަނީ މި ރިންކް ހުޅުވުމުގެ ޝަރަފު އޭނާއަށް ދީފައިވަތީ އެކަމަށް ވަރަށް ބޮޑަށް ޝުކުރުވެރު އަދާކުރަން ބޭނުންވާ ކަމަށެވެ.

ޕްލޫޝެންކޯ އަކީ ދެ ފަހަރެއްގެ މަތިން އޮލިމްޕިކް ރަން މެޑަލް ހޯދާފައެވެ. އެގޮތުން 2014 ވަނަ އަހަރު ރަޝިއާގެ ސޯޗީ ގައި ބޭއްވި ވިންޓަރ އޮލިމްޕިކްސް އަދި 2006 ވަނަ އަހަރު އިޓަލީގެ ޓުރިންގައި ބޭއްވި ވިންޓަރ އޮލިމްޕިކްސްގެ ރަން މެޑަލް އޭނާ ހޯދިއިރު އޭނާ ވަނީ 202 ވަނަ އަހަރާއި 2010 ވަނަ އަހަރުގެ ވިންޓަރ އޮލިމްޕިކްސްއިން ރިހި މެޑަލް ހޯދާފައެވެ.

ހަމައެހެންމެ އޭނާއަކީ ތިން ފަހަރެއްގެ މަތިން ދުނިޔޭގެ ޗެމްޕިއަންކަން ހޯދާފައިވާ ފިގަރ ސްކޭޓަރެކެވެ. ހަތްފަހަރެއްގެ މަތިން ޔޫރަޕުގެ ޗެމްޕިއަންކަން އޭނާ ހޯދާފައިވާއިރު އޭނާއަކީ ރަޝިއާގެ ނެޝެނަލް ޗެމްޕިއަންކަން ރެކޯޑު 10 ފަހަރު ހޯދާފައިވާ އެތްލީޓެކެވެ. އޭނާގެ އަތުގައި ފިގަރ ސްކޭޓިންއާ ގުޅިފައިވާ 13 ވޯލްޑް ރިކޯޑު ވެސް އޮވެއެވެ.