ކައުންސިލަރުން މަދަނީ ބަސްނޭހުމަކަށް ދިއުމަށް އިބުރާ ގޮވާލައްވައިފި
20 މާރިޗު 2018 | އަންގާރަ 04:24ސަސްޕެންޑް ކުރާ ކައުންސިލްތަކުގެ މެންބަރުން ސަސްޕެންޑް ވެގެން ތިއްބަވާނެކަމެއް ނެތްކަމަށް ވިދާޅުވި
އެމްޑީޕީގެ ފުރަތަމަ ރައީސް އިބުރާހިމް އިސްމާއިލް
ކައުންސިލަރުން މަދަނީ ބަސްނޭހުމަކަށް ދިއުމަށް އިބުރާ ގޮވާލައްވައިފިއެެވެ.
އެމްޑިޕީގެ ފުރަތަމަ ރައީސް އިބްރާހިމް އިސްމާއިލް ހޯމަ ދުވަހު ކުރެއްވި ޓްވީޓެއްގައި ވިދާޅުވީ، ސަސްޕެންޑް ކުރާ ކައުންސިލްތަކުގެ މެންބަރުން ސަސްޕެންޑް ވެގެން ތިއްބަވާނެކަމެއް ނެތްކަމަށެވެ.
އިބުރާ އެ ކައުންސިލް ތަކަށް ގޮވާލެއްވީ، ސަސްޕެންޑް ކޮށްފައި އޮތަސް ބަރާބަރަށް އޮފީހަށް ނުކުތުމަށެެވެ.
"ބަރާބަރަށް ނުކުމެ ރައްޔިތުން ކަލޭމެން އިންތިޚާބުކޮށް ހަވާލުކުރި މަސައްކަތް ކުރަންވީ. މީ މަދަނީ ބަސްނޭހުން" އިބްރާ ވިދާޅުވިއެވެ.
އިބްރާ މިގޮތަށް ގޮވާލައްވާފައި މި ވަނީ، ސުޕްރީމް ކޯޓުން އެކެއް ފެބުރުއަރީގައި ނެރުނު ހުކުމް ތަންފީޒު ކުރުމަށް ގޮވާލައި ނެރުނު ޤަރާރުތަކާއި ގުޅިގެން ގިނަ އަދަދެއްގެ ކައުންސިލްތަކުގެ ކައުންސިލަރުންތަކެއް ލޯކަލް ގަވަރުމެންޓް އޮތޯރިޓީން ސަސްޕެންޑް ކުރަމުންދާ ދަނޑިވަޅެއްގައެވެ.
