ހޫސީންނަށް ފޮނުވި ހަތިޔާރުތަކެއް ޔަމަނުގެ ސަލާމަތީ ބާރުތަކުން އަތުލައިފި
15 މާރިޗު 2018 | ބުރާސްފަތި 04:33މިސައިލް ލޯންޗަރއާއި އޭކޭ 47އާއި،ގޮވާތަކެތިވެސް ހިމެނޭ
އަބުދުﷲ މުހައްމަދު | 15 މާރިޗު 2018 | ބުރާސްފަތި 04:33
ޔަމަނުގެ ސަލާމަތީ ބާރުތަކުން މި ހަތިޔާރު އަތުލައިގަތީ ޗެކް ޕޮއިންޓަކުން
ޙޫސީންނަށް ފޮނުވާފައިވާ ހަތިޔާރު ޝިޕްމަންޓެއް ޔަމަނުގެ ސަލާމަތީ ބާރުތަކުން ބުދަ ދުވަހު ވެރިރަށް ސަންއާއިން އަތުލައިގެންފިއެވެ.
ސަލާމަތީ ބާރުތަކުން ހާމަކޮށްފައިވާ ގޮތުގައި މި ތަކެތި އަތުލައިގެންފައި ވަނީ ސަންއާގެ އިރުން އޮންނަ މަރިބް ޕްރޮވިންސުން ސަލާމަތީ ބާރުތަކުގެ ޗެކް ޕޮއިންޓަކުންނެވެ.
އަތުލައިގަތް ހަތިޔާރުގެ ތެރޭގައި މިސައިލް ލޯންޗަރއާއި ކަލަޝްނިކޯވް ނުވަތަ އޭކޭ 47އާއި،ގޮވާތަކެތި ވެސް ހިމެނެއެވެ.
ފަރުވާތެރިކަމާއިއެކު މިތަކެތި ބަންދުކުރުމަށް ފަހު ފޮރުވާފައިހުރީ ބޮޑު ޓްރަކެއްގައެވެ.
ސައުދީއާއި ގުޅިގައިވާ ފައުޖުން ޔަމަނަށް ހަމަލާދޭން ފަށާފައިވަނީ 2015 ވަނަ އަހަރުގެ މާޗް މަހުގެ 26 ވަނަ ދުވަހުއެވެ.
