ޔަމަނުގެ ހަނގުރާމައިގެ ޝިކާރައަކަށްވި ގިނަ ކުޑަ ކުދިންނަށް އެ ހާލަތު ދިމާވީ ސަައުދީ ކޯލިޝަނުގެ ސަބަބުން: ގުޓަރޭސް

ޔަަމަނުގައި ހިނގަމުންދާ ދާހިލީ ހަނގުރާމައިގަައި މިދިޔަ އަހަރު މަރުވި އަދި ޒަޚަމްވި ކުޑަކުދިންގެ ތެރެއިން ދެބައިކުޅައެއްބަޔަށް ވުރެ ގިނަ ކުޑަކުދިންނަށް އެ ހާލަތު ދިމާވީ ސައުދީ ކޯލިޝަނުގެ ސަބަބުން ކަމަށް އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރޭސް ވިދާޅުވެއްޖެއެވެ.

އެސޯސިއޭޓޭޑް ޕްރެސް އަށް ލިބިފައިވާ ޑްރާފްްޓް ރިޕޯޓަކާ ހަވާލާދީ އެ މީޑިއާ އިން ބުނެފައި ވަނީ 1,340 ކުޑަކުދިން، މަރު ނޫނީ ޒަޚަމްވެފައިވާ ކަމަށާއި އޭގެ ތެރެއިން 51 އިން ސައްތަ، މަރު ނޫނީ ޒަޚަމްވެފައި ވަނީ ސައުދީ ކޯލިޝަނުން ދިން ހަމަލާތަކާ ގުޅިގެން ކަމަށެވެ.

އެ ޑްރާފްޓް ރިޕޯޓުގައި އިތުރަށް ބުނީ މިދިޔަ އަހަރު ހޮސްޕިޓަލްތަކަށާއި އަދި ސްކޫލްތަކަށް ދެވުނު ހަމަލާތަކުގެ ތެރެއިން ހަަތަރު ބައި ކުޅަ ތިން ބައި ހަމަލާ ދީފައި ވަނީ ވެެސް، ސައުދީ ކޯލިޝަނުން ކަމަށެވެ.

ޔަމަނުގައި 2014 އިިން ފެށިގެން ދާހިލީ ހަނގުރާމަ ހިނގަމުންދާއިރު، އެ ހަނގުރާމަ ފެށެން ދިމާވީ ހޫޘީންގެ ޝީއީ ހަނގުރާމަވެރިން ވެރިރަށް ސަންނާ އަށް އަރާ، ބައިނަލްއަގްވާމީ މުޖުތަމައު އިން ބަލައިގެންފައިވާ ރައީސް އަބްދުއް-ރައްބޫ މަންސޫރު ހާދީގެ ސަރުކާރު ވެރިކަމުން ވައްޓާލުމާ ގުޅިގެންނެެވެ.

ސައުދީ އިސްވެ އޮވެ، 2015 ގައި ހަނގުރާމައިގެ ހާއްސަ ކޯލިޝަނެއް އުފައްދާ ހޫޘީންނާއ ދެކޮޅަށް ހަނގުރާމަ ކުރަން ފެށިއެވެ.